KOLUMBI | U ARRESTUA NUMRI 2 I ORGANIZATËS KRIMINALE TRANSNACIONALE “TREN DE ARAGUA” KENFFERSSO JHOSUE SEVILLA ARTEGA - I NJOHUR ME NOFKËN FLAIPËRI (FLYPPER).

Bogotë, Kolumbi | Policia kolumbiane ka pohuar arrestimin e:

1- Z. Kenffersso Jhosue Sevilla Artega, i konsideruar si udhëheqësi i dytë i organizatës kriminale transnacionale “Tren de Aragua”.

Z. Sevilla, i njohur me nofkën Flaipër (Flypper), u arrestua në qytetin e Kakutës (Cucuta).

Z. Kenffersso Jhosue Sevilla Artega

Sipas Ministrisë së Mbrojtjes, ai është krahu i djathtë i z. Nino (Niño) Guerrero, udhëheqësit ndërkombëtar të kësaj organizate kriminale, e cila, e ka origjinën në Venezuelë dhe është përhapur në vende të tjera.

Ministria specifikoi se i njohuri si Flaipëri (Flypper) është udhëheqësi financiar dhe organizatori i zhvatjes, rrëmbimeve dhe vrasjeve në disa vende, dhe shpjegoi se ai udhëtoi përtej kufijve nën mbulim tregtar, ndërsa koordinonte aktivitete të paligjshme në Venezuelë, Peru, Ekuador, Kili, Meksikë, Shtetet e Bashkuara dhe Kolumbi.

Në një operacion tjetër në Medellin, kryeqytetin e departamentit veriperëndimor të Antiokuias, policia kontrolloi shtëpinë e partneres së z. Sevilla Artega, ku sekuestroi 10 aparate telefonikë të lëvizshëm, një kompjuter, dhjetëra dokumente dhe elementë që konsiderohen thelbësorë për të vazhduar shpërbërjen e organizatës kriminale.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit