IRLANDË | PRESIDENCA E BASHKIMIT EVROPIAN: NJË FUNERAL SHTETËROR PËR RATKO MLLADIÇIN DO TË ISHTE I PAPRANUESHËM.

Dublin, Irlandë | “Një funeral shtetëror do të ishte i papranueshëm, për aq sa di unë.

Në fakt nuk po mbahet një funeral shtetëror, por mund të ketë zyrtarë të lartë qeveritarë që do ta përkujtojnë burrin.

Dhe kjo është gjithashtu e papranueshme”.

Kështu tha ministri i Shtetit për Çështjet Evropiane të Irlandës Tomas Bërn (Thomas Byrne) - vendi që mban presidencën e rradhës të Bashkimit Evropian - pas mbërritjes në Këshillin informal të Çështjeve të Përgjithshme në Dublin, duke iu përgjigjur një pyetjeje në lidhje me ish-komandantin ushtarak serb të Bosnjës, Ratko Mlladiç dhe Serbinë (i njohur rëndom si “Kasapi i Bosnjës”).

“Ajo që ndodhi në atë rajon gjatë viteve 1990 dhe në fillim të viteve 2000 ishte absolutisht e përçmueshme.

Sigurisht që është koha për të varrosur të kaluarën dhe për të punuar e për të vazhduar në rrugën e pajtimit në rajon.

Ajo që po ndodh, vazhdon të lëndojë njerëzit, veçanërisht në rajon, por edhe në disa shtete anëtare të Bashkimit Evropian”, - tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit