EKUADOR | MINISTRI I BRENDSHËM XHON (JOHN) REIMBERG: FUNDOSËM TRE ANIJE TË PËRDORURA NGA TRAFIKANTËT E DROGËS.

Kuito, Ekuador | Ekuadori mbrojti operacionet e ShBA-ës që interceptuan dhe fundosën tre anije ekuadoriane këtë javë, duke thënë se ato ishin rezultat i hetimeve të përbashkëta për të luftuar trafikun e drogës.

“Kjo është një punë e bërë nëpërmjet bashkëpunimit ndërkombëtar”.

Kështu tha ministri i Brendshëm Xhon (John) Reimberg, duke theksuar se ndërhyrja nuk bëhet lehtësisht ose me shenjën e parë të dyshimit.

Hetimet e kryera me Shtetet e Bashkuara të Amerikës kanë sqaruar përdorimin e anijeve dhe logjistikën e ofruar për trafikantët.

Anijet dyshohet se janë përdorur si stacione furnizimi me karburant nga grupi kriminal Los Koneros (Choneros), duke lejuar anije të vogla dhe të shpejta të transportonin drogë në portet meksikane dhe më pas në Shtetet e Bashkuara të Amerikës.

Operacionet janë pjesë e një fushate më të gjerë ushtarake amerikane të quajtur Operacioni “Shtiza Jugore”, e cila gjatë vitit të kaluar thuhet se ka shkatërruar afërsisht 70 anije dhe ka shkaktuar mbi 220 vdekje, duke shkaktuar kritika nga organizatat e të drejtave të njeriut dhe nga disa udhëheqës të Amerikës Latine, të cilët denoncojnë vrasjet jashtëgjyqësore.

Marina Ekuadoriane raportoi se ekuipazhet e dy prej anijeve, me gjithsej 28 persona, janë transferuar në Manta.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit