KILI | MBI 15 MILIONË KILIANË DO TË SHKOJNË NË ZGJEDHJE PËR TË ZGJEDHUR PRESIDENTIN E RI | TË GJITHË KANDIDATËT PREMTOJNË BURG OSE VARR PËR KRIMINELËT ORDINERË.

Santiago, Kili | Mbi pesëmbëdhjetë milionë kilianë do të thirren në kutitë e votimit të dielën për të zgjedhur një president të ri që do të zëvendësojë progresivin Gabriel Boriç.

Në zemër të shqetësimeve të votuesve është përhapja e bandave kriminale dhe krimit ordiner.

Në krye të sondazheve midis tetë kandidatëve në garë është komunistja Zhanet (Jeannette) Jara, kryetare e koalicionit progresiv “Unidad por Chile”.

Lidhur me çështjen e krimit, kandidatja progresive premtoi se qeveria e saj do të ketë siguri më të madhe, por se do të favorizohet një qasje parandaluese.

“Do të godasim aty ku dhemb më shumë, do të ndjekim gjurmët e parave të pista”, tha ajo në tubimin e saj të fundit zgjedhor.

E djathta është e ndarë, me tre kandidatë të ndryshëm, dhe konservatori Hoze (José) Kast i Partisë Republikane favorizohet ndaj libertarianit Johannes Kaiser, nostalgjik për diktaturën e Pinoçetit (Pinochet), dhe të moderuarës Evelin (Evelyn) Matthei.

Të tre po konkurrojnë se kush do të jetë më i pamëshirshmi në luftën kundër krimit.

Z. Kast premton një goditje të ashpër ndaj krimit dhe imigracionit të paligjshëm.

Z. Kaiser ka njoftuar kthimin e dënimit me vdekje.

Znj. Matthei është bashkuar, duke brohoritur burg ose varr për kriminelët.

Gjithashtu marrin pjesë në garë edhe të huajt Franko (Franco) Parisi i Partisë Popullore populiste.

Gazetari dhe ish-presidenti i Federatës së Futbollit Kilian, Harold Mein-Nikols (Mayne-Nicholls).

Progresisti i pavarur, Marko (Marco) Enrikuez (Enríquez)-Ominami, dhe udhëheqësi i Partisë Proletare, Eduardo Artés.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit