HETIMI I OJQ-ve AMERIKANE DHE BRITANIKE: TË PAKTËN 64 SULME NDAJ QENDRAVE TË NDIHMËS NË GAZË; DISTANCA MESATARE PËR TË MARRË USHQIM ËSHTË 6 KM.

Londër, Britani e Madhe | Një hetim i përbashkët nga “Forensic Architecture”, një grup kërkimor me seli në Londër, dhe “Fondacioni Botëror i Paqes”, i lidhur me një universitet të Masaçusets, gjeti të paktën 64 raste të civilëve palestinezë që u sulmuan nga ushtria izraelite ndërsa kërkonin ndihmë në Gazë.

Raporti, i raportuar nga enti mediatik “Al Jazeera”, thotë se 25 nga këto incidente ndodhën pranë pikave të shpërndarjes së ushqimit të operuara nga “Fondacioni Humanitar i Gazës” (GHF), një organizatë jofitimprurëse me seli në Dellëueër (Delaware) të ShBA-ës, e drejtuar de facto nga Shtetet e Bashkuara dhe Izraeli.

Raporti gjithashtu thotë se palestinezët detyrohen të ecin mesatarisht 6 kilometra për të arritur në një pikë racionimi të GHF-së.

“Pavarësisht parimeve humanitare të mirëpërcaktuara që diktojnë që ndihma humanitare të mos keqpërdoret për qëllime ushtarake ose politike, Izraeli po e instrumentalizon ndihmën”, thuhet në raport.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit