GREQIA NDËRTOI HARK STRATEGJIK SIGURIE.

Athinë, Greqi | “Gjeografia e Greqisë dhe Qipros i bën të dy vendet thelbësore për Perëndimin sa herë që bien alarmet e paqëndrueshmërisë në Lindjen e Mesme”, e thënë kjo sipas zyrtarëve grekë dhe vlerësimeve ushtarake.

Kështu raportoi enti mediatik grek “Kathimerini” (Η Καθημερινή).

Megjithatë, ditët e fundit shënojnë një pikë kthese jo vetëm për ekuilibrat rajonalë, por edhe për aftësinë e Evropës për të mbrojtur territorin në Mesdheun Lindor, Qipron dhe Ballkanin.

Mes krizës, Athina ka qenë në komunikim të drejtpërdrejtë me Uashingtonin që nga fillimi për arsye praktike.

“Për Shtetet e Bashkuara dhe NATO-n, baza e Gjirit të Sudës (Soudës) në Kretë përballet me një rrezik të konsiderueshëm për t’u goditur nga një raketë iraniane, një klasifikim pak më poshtë rrezik të lartë në terminologjinë e NATO-s”, sipas raportit.

Për këtë arsye, edhe para se të fillonin sulmet e ShBA-ës dhe Izraelit kundër regjimit të Teheranit, u aktivizua një bateri raketash Patriot e Forcave Ajrore Greke në Gjirin e Sudës, së bashku me sistemet e mbrojtjes ajrore me rreze të shkurtër veprimi të Ushtrisë Amerikane dhe armët kundër dronëve.

Një vendim disa ditë më vonë për të vendosur me shpejtësi një bateri tjetër lëshuese raketash Patriot në ishullin e Karpathosit (Karpathos) synonte të mbyllte një pikë të verbër në mbrojtjen ajrore kombëtare.

Operacionalisht, përtej Qipros dhe Gjirit të Sudës, midis tyre ndodhen tre objektiva të tjera të mundshme amerikane:

1- Bazat ajrore në Adana, të njohura edhe si Inçirlik, Konia (Konya) dhe Izmir.

Të premten, Komandanti Suprem i aleatëve të NATO-s në Evropë urdhëroi gatishmëri të shtuar për kapjen e kërcënimeve të mundshme balistike nga raketat “Sejjjil” dhe “Khorramshahr”.

Në kushte të caktuara, këto raketa mund të arrijnë përtej Turqisë, e cila, kufizohet me Iranin, Greqinë, Bullgarinë dhe Rumaninë.

Greqia dhe Rumania janë të vetmet vende në krahun juglindor të NATO-s të pajisura me sisteme Patriot të afta për t'iu kundërvënë kërcënimeve të tilla.

Si rezultat, Greqia formon një hallkë kyçe në një zinxhir antibalistik që shtrihet nga Inçirliku deri në bazën Deveselu në Rumani.

Tre bateri janë vendosur në territorin grek, duke përfshirë Karpathos-in, sudën (Suda) dhe Greqinë veriore, me dy të tjera të caktuara për të mbrojtur zonat urbane.

Aftësitë greke u reflektuan gjithashtu në sigurimin e aseteve ajrore, duke përfshirë katër avionë luftarakë “F-16 Viper” në Qipro dhe dy avionë “F-16” në Limnos të dedikuar për mbrojtjen e Bullgarisë.

Greqia gjithashtu kryen misione të patrullimit ajror të NATO-s mbi Maqedoninë e Veriut, Shqipërinë dhe Malin e Zi.

Zyrtarët grekë thonë se këto lëvizje tregojnë gatishmërinë e Athinës për të luajtur një rol të rëndësishëm rajonal në bashkëpunim me ShBA-ës dhe në Mesdheun Lindor.

Megjithatë, Athina vazhdon të bëjë thirrje për një ndërprerje të menjëhershme të operacioneve dhe një kthim në tryezën e negociatave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit