GREQI | AMBASADORJA E SHBA-ës KIMBËRLI GILLFOILL (KIMBERLY GUILFOYLE) MBAJTI LIGJËRATË NË EVENTN “DIALOGJET E NISIROS - LIDHJA E MESDHEUT LINDOR”.

Agjencia Telegrafike Vox
1 day ago
3 min read

Athinë, Greqi | “Greqia është shfaqur si një qendër kryesore rajonale e energjisë dhe po e pozicionon veten si një portë kryesore e energjisë për në Evropë”.

Kështu tha tha ambasadorja e ShBA-ës Kimbërli Gillfoill (Kimberly Guilfoyle) në fjalimin e saj gjatë eventit “Dialogjet e Nisiros - Lidhja e Mesdheut Lindor” (të martën në mbrëmje).

Duke iu referuar investimeve kineze në Pire, ajo tha se duhet të ndërtohet një port i ri për të balancuar ndikimin kinez.

“Greqia mishëron vizionin e Presidentit Tramp (Trump) për paqen përmes forcës, siç demonstrohet nga investimet dhe ushtria … , si dhe nga angazhimi i tij për sigurinë e përbashkët. Greqia është një aleate e domosdoshme. Së bashku, ne jemi të gatshëm të përballemi me çdo sfidë si partnerë strategjikë”, tha ajo.

Ajo tha se Presidenti Tramp (Trump) e ka bërë shumë të qartë se siguria energjetike është e barabartë me sigurinë kombëtare, duke theksuar se LNG-ja amerikane, burimet e Mesdheut Lindor dhe infrastruktura evropiane janë thelbësore për këtë realitet të ri transatlantik.

“Këto nuk janë vizione konkurruese. Ato janë shtylla që përforcojnë njëra-tjetrën të një arkitekture të re energjetike më të sigurt, me mbështetjen e ShBA-ës”, tha ajo.

Siç vuri në dukje ajo, rezultatet janë tashmë të prekshme, me eksportet e LNG-së në Evropë që arrijnë nivele historike.

Ajo shtoi se marrëveshjet e energjisë me ExxonMobil-in dhe Chevron-in janë rezultat i këtij bashkëpunimi strategjik.

“Së bashku, ne kemi përshpejtuar diversifikimin larg gazit rus, duke forcuar njëkohësisht lidhjet transatlantike afatgjata të energjisë”, tha ajo.

Ajo iu referua gjithashtu marrëveshjes së energjisë midis Athinës dhe Kievit, sipas së cilës, LNG-ja do të transportohet nga Greqia në Odesë nëpërmjet Korridorit Vertikal.

Ajo shtoi se komunikimi është duke vazhduar me vendet e tjera përgjatë korridorit dhe po bëhen përpjekje për ta forcuar atë.

“Ky është vetëm fillimi. Po fillojmë tani. Këto marrëveshje afatgjata janë të rëndësishme dhe do t'i shihni përfitimet e tyre për vitet që vijnë”, tha ajo.

“Greqia i ka tejkaluar edhe pritjet tona të larta që vijnë nga Shtetet e Bashkuara të Amerikës”, tha ajo, duke vënë në dukje se vendi është zotuar të shpenzojë 5% të PBB-së për mbrojtjen.

“Shtetet e Bashkuara do të qëndrojnë gjithmonë pranë aleatit të tyre, Greqisë, një vend i jashtëzakonshëm dhe vendlindja e demokracisë.

Si ambasadore e ShBA-ës në Greqi, e marr seriozisht përgjegjësinë time për të siguruar që Shtetet e Bashkuara të Amerikës dhe Greqia të mbeten aleatët më të fortë të mundshëm.

Forca detare e Greqisë, stabiliteti demokratik dhe populli i qëndrueshëm e bëjnë atë një partner jetësor në avancimin e qëllimeve tona të përbashkëta”, tha ajo.

Ajo përmendi kantieret detare të Elefsinës si një shembull kryesor të investimeve amerikane, duke vënë në dukje se ato janë transformuar në një kantier detar të lulëzuar që ofron vende pune me cilësi të lartë për komunitetin vendas.

“Politika jonë e jashtme ka hyrë në një epokë të re, një epokë jo fjalësh, por veprash dhe rezultatesh.

Çdo ditë, kur zgjohem në mëngjes, do të gjej një mënyrë për të nxitur interesat amerikane, paratë, infrastrukturën, për të punuar me Greqinë dhe pjesën tjetër të aleatëve tanë në këtë rajon, dhe kjo do të thotë të kundërshtoj në mënyrë shumë agresive interesat kineze”, tha ajo.

“Do ta bëj këtë çdo ditë dhe do ta bëj pa kërkuar falje, sepse kjo është puna ime dhe është ajo që është më e mira për sigurinë kombëtare”, shtoi ajo.

E pyetur për investimet kineze në Pire, ajo tha se:

1- “Ata janë të zgjuar, panë mundësinë, erdhën në Greqi. Por për të qenë të drejtë, kjo ndodhi në një kohë kur ekonomia nuk po shkonte aq mirë këtu sa është sot, dhe ky ishte ofertuesi i vetëm.

Fatkeqësisht, ata arritën të kenë sukses.

Pra, çfarë mund të bëni në lidhje me këtë? Epo, nxirrni mësimet.

Kur vendet e huaja përpiqen të investojnë para në vendin tuaj, ju i rishikoni dhe i vlerësoni ato.

Ata po e bëjnë këtë tani, por nuk kishin masa të tilla në vend atëherë. Nuk kishte asnjë mënyrë për ta parandaluar këtë.

Ajo që mund të bëjmë tani është të investojmë në para dhe infrastrukturë për të ndërtuar një port tjetër që mund t’i kundërvihet prodhimeve nga Pireu me interesa kineze, ndërkohë që zbatojmë edhe një plan afatgjatë”.

Nga z. Erton Duka.

Ne të njohim me botën | www.007vox.com | Burimi yt i informacionit