GJYKATA NDËRAMERIKANE E TË DREJTAVE TË NJERIUT DËNOI PERUNË PËR STERILIZIMET E DETYRUARA GJATË QEVERISJES SË ISH-PRESIDENTIT ALBERTO FUXHIMORI (FUJIMORI).

Limë, Peru | Gjykata Ndëramerikane e të Drejtave të Njeriut (IACHR) dënoi Perunë për sterilizimin e detyruar dhe vdekjen në vitin 1997 të një gruaje fshatare, Selia (Celia) Ramos Durand, si pjesë e Programit Kombëtar për Shëndetin Riprodhues dhe Planifikimin Familjar, të hartuar nga ish-Presidenti Alberto Fuxhimori (Fujimori), i cili, ishte në pushtet nga viti 1990 deri në vitin 2000.

Gjyqtarët theksuan se ky nuk është një rast i izoluar, por më tepër pjesë e një politike masive shtetërore që synonte kryesisht gratë në situata të cenueshme.

Në vitet 1990, Peruja u përfshi në një konflikt të dhunshëm të brendshëm midis guerilëve të ekstremit të majtë dhe qeverisë populiste të udhëhequr nga ish-Presidenti Fuxhimori (Fujimori), i cili, vdiq në vitin 2024 pasi vuajti 16 vjet burg për shkelje të të drejtave të njeriut.

Gjatë kësaj periudhe, gratë e varfra dhe të paarsimuara, shumë prej tyre indigjene Kueçua (Quechua), u sterilizuan me forcë.

IACHR-ja i quan këto abuzime shembull të qartë të dhunës institucionale ndaj grave dhe po i bën thirrje shtetit të kërkojë falje publike, të ofrojë kompensim financiar dhe të nisë një hetim të brendshëm për të identifikuar ata që janë përgjegjës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit