ENTI MEDIATIK “DER SPIEGEL”: DERI NË FUND TË VITIT MIRATOHET REFORMA PËR SHËRBIMIN E DETYRUESHËM USHTARAK NË GJERMANI; SHËRBIMI VULLNETAR NUK I PËRMBUSH NEVOJAT E USHTRISË PËR TRUPA.

Berlin, Republika Federale e Gjermanisë | “Reforma e shërbimit ushtarak në Gjermani do të bazohet në shërbimin vullnetar; megjithatë, ligji i ri duhet të përmbajë tashmë mundësinë që parlamenti dhe qeveria të përdorin shërbimin e detyrueshëm nëse situata e politikës së mbrojtjes e kërkon këtë, veçanërisht kur kërkohet një rritje afatshkurtër e forcave të armatosura, gjë që nuk është e arritshme në bazë vullnetare”.

Kështu pohon e përjavshmja gjermane “Der Spiegel”, pasi ka pasur mundësinë të lexojë ligjin e propozuar deri më tani, të hipotezuar nga Ministri i Mbrojtjes Boris Pistorius.

Qëllimi është që numri i trupave të kalojë nga 181000 që është aktualisht në 203000.

Të gjithë qytetarët meshkuj të lindur pas 31 dhjetorit 2007 do të duhet të përgjigjen në një pyetësor online; për gratë formulari do të jetë vullnetar.

Kjo do t'i lejojë ushtrisë të ketë të dhëna të qarta; në veçanti sa kandidatë potencialë ka çdo vit dhe të krijojë strukturat e duhura.

Paga do të jetë gjithashtu e përshtatshme: në shërbimin e ri vullnetar, ushtarët duhet të fitojnë më shumë se dy mijë euro neto në muaj.

Reforma e shërbimit ushtarak do të paraqitet nga qeveria në fund të gushtit, do të shkojë në Bundestag menjëherë pas pushimeve verore dhe miratimi duhet të bëhet deri në fund të vitit në mënyrë që sistemi i ri të mund të fillojë në vitin 2026.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit