EKUADOR | PRESIDENTI DANIEL NOBOA: KA 80 MIJË ANËTARË TË ARMATOSUR BANDASH KRIMINALE.

Kuito, Ekuador | Tetëdhjetë mijë persona të armatosur mendohet të jenë pjesë e organizatave kriminale aktive në Ekuador, sipas një vlerësimi të presidentit Daniel Noboa, i cili jep një masë të sfidës me të cilën përballen autoritetet.

Në një intervistë me entin mediatik “Radio Centro”, presidenti Noboa tha se, duke përfshirë anëtarët e grupeve të tilla si Los Koneros (Choneros), Los Lobos, Çone Killërs (Chone Killers) dhe Tiguerones, si dhe bandat e tjera kriminale, numri arrin në afërsisht 80 mijë veta të armatosur.

Policia dhe forcat e armatosura të Ekuadorit kanë gjithsej afërsisht 93 mijë veta personel. 56 mijë ose 57 mijë punonjës policie dhe afërsisht 36 mijë veta personel ushtarak.

“Nëse nuk i bashkojmë forcat e nevojshme tani, do të jetë shumë e vështirë t'i luftojmë ata”, - tha presidenti Noboa, duke akuzuar administratat e mëparshme se e kanë neglizhuar sigurinë për vite me radhë.

Presidenti Noboa theksoi forcimin e bashkëpunimit ndërkombëtar kundër krimit të organizuar, veçanërisht me vendet e Mburojës së Amerikave dhe Kolumbinë.

Që nga janari i vitit 2024, Ekuadori ka qenë zyrtarisht në konflikt të brendshëm të armatosur kundër bandave kriminale që qeveria i lidh kryesisht me trafikun e drogës dhe minierat e paligjshme.

Kufiri me Kolumbinë mbetet një front i madh për krimin e drogës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit