DOSON KRIK (DAWSON CREEK); KANADA | 9 TË VDEKUR + 27 TË PLAGOSUR NË SHKOLLËN E TAMBLLËR RIXHIT (TUMBLER RIDGE).

Toronto, Doson Krik (Dawson Creek), Monarkia Kushtetuese e Kanadasë | Nëntë veta u vranë dhe 27 të tjerë u plagosën në të shtëna me armë, përfshirë shtatë të vrarë në një shkollë të mesme përpara se e dyshuara të vriste veten.

Vrasjet ndodhën në Tambllër Rixh (Tumbler Ridge), British Kolombia (Columbia), në rrëzë të Maleve Shkëmbore.

Mediat kanadeze raportuan se autorja e vrasjes ishte një grua, por policia nuk pranoi të jepte detaje mbi identitetin e subjektit.

Një alarm ishte lëshuar për një subjekt të armatosur në Shkollën e Mesme të Tambllër Rixhit (Tumbler Ridge) të martën pasdite.

Gjatë një kontrolli në shkollë, policia gjeti gjashtë veta të vrarë me armë zjarri; një i shtatë, i plagosur, vdiq gjatë rrugës për në spital.

Veçmas, policia gjeti dy trupa të tjerë në Tambllër Rixh (Tumbler Ridge), në një shtëpi që besohet të jetë e lidhur me aktin kriminal.

Autoritetet po kontrollojnë shtëpi dhe prona të tjera në komunitet për të përcaktuar nëse ka vende të tjera të lidhura me incidentin.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit