GJYKATA E LARTË E KANADASË VENDOSI PËRJASHTIMIN NGA PRIVILEGJI AVOKAT-KLIENT PËR MBROJTJEN E AVOKATËVE.

Otavë, Monarkia Kushtetuese e Kanadasë | Gjykata Supreme e Kanadasë vendosi me një vendim 7-2 të premten se një përjashtim nga privilegji avokat-klient mund të jetë në dispozicion të avokatëve për t'u mbrojtur plotësisht nga akuzat e mundshme penale.

Gjykata e Lartë deklaroi se një avokat mund të përdorë përjashtimin “pafajësia në rrezik” kur duhet të hyjë dhe të përdorë komunikimet e klientëve që ndryshe janë të privilegjuara në mbrojtjen e vet për një vepër penale.

Shumica u shpreh se detyrat e një avokati nuk mund të mbizotërojnë mbi të drejtën e tij kushtetuese për të dhënë një përgjigje dhe mbrojtje të plotë ndaj një akuze penale kundër tij, një e drejtë kushtetuese që i takon çdo personi të akuzuar.

Gjykata shpjegoi se përjashtimi i të pafajshmit në rrezik, i cili, u shqyrtua për herë të parë nga gjykata në çështjen R kundër McClure në vitin 2001, imponon një provë të rreptë dhe se privilegji duhet të shkelet vetëm kur përfshihen çështje thelbësore që çojnë në fajësinë e të akuzuarit dhe ekziston një rrezik i vërtetë i një dënimi të gabuar.

Gjykata e Lartë tha se testi McClure mund të përshtatet në situata ku avokatët kërkojnë qasje në komunikimet e privilegjuara të klientëve të tyre për t’u mbrojtur nga veprat penale, duke deklaruar se:

1- “Gjykatat duhet të marrin në konsideratë tre parime udhëzuese në çdo fazë të testit McClure:

(i) Privilegji avokat-klient duhet të mbrohet në shkallën më të madhe të mundshme dhe duhet të cenohet minimalisht.

(ii) Klienti që mban privilegjin duhet të ketë një zë gjatë gjithë procesit, meqenëse privilegji i përket klientit, jo avokatit.

(iii) Gjykata duhet të marrë në konsideratë masën në të cilën avokati i akuzuar është tashmë në dijeni të komunikimeve të privilegjuara”.

Në çështjen para gjykatës, një avokate mbrojtëse penale me emrin Sherën Foks (Sharon Fox) u akuzua në gjyq për pengim të drejtësisë bazuar në pjesën jo të privilegjuar të një telefonate të përgjuar me klienten e saj gjatë një hetimi të RCMP për trafikimin e kokainës.

Gjykata vendosi që avokatja Foks (Fox) kishte të drejtë të paraqiste një kërkesë McClure për të kërkuar qasje (akses) në komunikimet e privilegjuara të klientes së saj për t'i përdorur në mbrojtjen e saj.

“Privilegji avokat-klient është një gur themeli i marrëdhënies avokat-klient”, sipas Shoqatës së Avokatëve të Ontarios, dhe zbatohet për komunikimet midis avokatit dhe klientit me qëllim kërkimin ose dhënien e këshillave ligjore.

Privilegji i përket klientit, jo avokatit, dhe ndihmon për të siguruar që avokatët janë plotësisht të informuar dhe u lejon klientëve të zbulojnë gjithçka të nevojshme në mbështetje të objektivave të tyre ligjore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit