BOLIVI | PRESIDENTI RODRIGO PAZ: SOCIALISTËT NË PUSHTET PËR 20 VJET NA LANË NJË ATDHE TË SHKATËRRUAR DHE NË PRAG TË VDEKJES.

La Paz, Bolivi | Presidenti Rodrigo Paz mbrojti qeverinë e tij konservatore, e cila në ekzistencën e saj nëntëmujore ka qenë shënjestër e protestave masive popullore, të udhëhequra kryesisht nga ish-presidenti i majtë Evo Morales.

“Ata na lanë një atdhe të shkatërruar dhe në prag të vdekjes”.

Kështu tha presidenti Paz gjatë fjalimit të tij të parë drejtuar kombit që nga marrja e detyrës, duke i dhënë fund dy dekadave të sundimit socialist.

Duke folur nga qyteti i Sukres (Sucre) në Ditën e Pavarësisë, presidenti Paz mbrojti politikat e tij ekonomike jopopullore, por të nevojshme.

Vendimi i tij për të shfuqizuar subvencionet e karburantit, në fuqi për dekada të tëra dhe të cilat kishin shterruar rezervat ndërkombëtare të dollarit, shkaktoi dyfishimin e çmimeve, duke shkaktuar javë të tëra bllokimesh dhe duke e ulur popullsinë në gjunjë për shkak të mungesave të mëdha të ushqimit dhe ilaçeve.

Presidenti Paz arriti t’i shuajë demonstratat disamujore, të cilat fillimisht kërkonin dorëheqjen e tij, duke shpallur gjendje të jashtëzakonshme në mujain qershor dhe duke vendosur ushtrinë për të parandaluar grumbullime të mëtejshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit