BOLIVI | PAVARËSISHT GJENDJES SË JASHTËZAKONSHME PËRLESHJET MES POLICISË DHE PROTESTUESVE VAZHDOJNË NË KOÇABAMBË (COCHABAMBA); POLICIA U SULMUA ME GURË DHE DINAMIT.

La Paz, Bolivi | Përleshje shpërthyen midis policisë dhe protestuesve në departamentin e Koçabambës (Cochabamba), i cili është bastion politik i ish-presidentit të krahut të majtë Evo Morales.

Policisë iu desh të përdorte gaz lotsjellës pranë qytetit të Llavini-t për të liruar rrugën që lidh rajonin me pjesën perëndimore të vendit, në kilometrin 57, ku protestuesit po hidhnin gurë dhe dinamit nga kodrat.

“Të paktën një shofer kamioni u plagos”, sipas mediave vendore.

“Ata hodhën gurë dhe dinamit drejt meje, duke më thënë se do t'i vinin flakën kamionit tim”, tha një nga rreth 200 shoferët e kamionëve të bllokuar nga protesta, për entin mediatik vendor “Unitel”.

Ishte incidenti i parë i këtij lloji që kur Presidenti i qendrës së djathtë Rodrigo Paz shpalli gjendjen e jashtëzakonshme dy ditë më parë, duke u përpjekur t'i jepte fund shtatë javësh protestash dhe bllokimesh rrugësh.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit