BOLIVI | MINISTRI I MBROJTJES ERNESTO JUSTINIANO: DO T’I BASHKOHEMI “MBUROJËS SË AMERIKAVE” KUNDËR KARTELEVE TË DROGËS.

La Paz, Bolivi | Bolivia do t'i bashkohet “Mburojës së Amerikave”, koalicionit të sponsorizuar nga ShBA-ës për të luftuar kartelet e drogës dhe krimin e organizuar në rajon, takimi i radhës i të cilit është planifikuar në Panama.

Kështu njoftoi ministri i Mbrojtjes Ernesto Justiniano, duke shpjeguar për mediat vendore se La Pazi do të paraqesë axhendën e vet bazuar në rritjen e kontrollit të kufijve dhe hapësirës ajrore, ndarjen e inteligjencës, përdorimin e teknologjisë dhe veprimet kundër financimit të organizatave kriminale.

Sipas ministrit, grupet ilegale kanë zgjeruar aktivitetet e tyre duke përfshirë trafikimin e armëve, trafikimin e qenieve njerëzore, minierat ilegale dhe pastrimin e parave.

Ndërkohë, Bolivia dhe Kolumbia po përgatiten të rivendosin marrëdhënie të plota diplomatike pas përurimit të presidentit të ri të Kolumbisë, Abelardo De la Espriella.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit