AVIONËT POLAKË PËRGJUAN NJË AEROPLAN ZBULIMI RUS NË DETIN BALTIK.

Varshavë, Poloni | “Aeroplanët luftarakë polakë kanë interceptuar një avion zbulues rus që fluturonte pranë hapësirës ajrore polake mbi Detin Baltik”.

Kështu njoftoi ushtria polake.

Vendet e NATO-s në kufirin lindor, si Polonia, kanë qenë në gatishmëri për shkelje të mundshme të hapësirës së tyre ajrore që nga muaji shtator, kur tre avionë luftarakë rusë shkelën hapësirën ajrore të Estonisë për 12 minuta, disa ditë pasi më shumë se 20 dronë rusë hynë në hapësirën ajrore polake.

“Këtë mëngjes, mbi ujërat ndërkombëtare të Detit Baltik, avionët luftarakë polakë interceptuan, identifikuan vizualisht dhe shoqëruan jashtë zonës së tyre të përgjegjësisë një anije ruse zbuluese që fluturonte afër kufijve të hapësirës ajrore polake”, tha ushtria polake në një deklaratë.

Në të njëjtin njoftim thuhet se gjatë natës, u zbuluan objekte fluturuese që hynë në hapësirën ajrore polake nga Bjellorusia.

Pas analizave të hollësishme, u përcaktua se këto ishin me shumë gjasa balona të kontrabanduara që lëviznin sipas drejtimit dhe shpejtësisë së erës.

Një pjesë e hapësirës ajrore mbi rajonin Podlasie të Polonisë verilindore në kufi me Bjellorusinë është mbyllur përkohësisht për arsye sigurie.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit