AUSTRALI | POLICIA SEKUESTROI 2.7 TONË KOKAINË.

Kanberrë, Australi | Në funksion të luftës institucionale ndaj Agjenturës së Krimit Ordiner strukturat vendore të Shërbimit Policor të Kuinsllendit (Queensland Police Service) në bashkëpunim me Policinë Federale Australiane (Australian Federal Police) sekuestruan:

1- Dy pikë shtatë (2.7) tonësh kokainë të fshehur në enë plastike të groposura në periferi të Sidneit, në atë që po quhet sekuestrimi më i madh i drogës i kryer ndonjëherë.

Autoritetet besojnë se ngarkesa është trajtuar nga një grup kriminal me bazë në Sidnei, i cili dyshohet se ka rregulluar shkarkimin e drogës nga një anije e huaj në veri të Kuinsllendit (Queensland) dhe më pas transportimin e saj në Sidnei për shpërndarje.

Vlera e ngarkesës së drogës vlerësohet në mbi 800 milionë dollarë australianë (afërsisht 560 milionë dollarë $).

Operacioni është pjesë e një hetimi të përbashkët nga policia federale dhe agjencitë e zbatimit të krimit të organizuar.

Dy subjekte (meshkuj) janë arrestuar dhe akuzuar për trafikim droge në shkallë të gjerë, një krim që mbart dënim me burgim të përjetshëm.

Gjashtë subjekte të tjerë janë arrestuar më parë si pjesë e të njëjtit hetim penal paraprak.

Sipas një raporti të kohëve të fundit, vdekjet e lidhura me kokainën në Australi pritet të rriten me 28% në vitin 2024.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit