BRIZBËN (BRISBANE); AUSTRALI | MJEKU 74-VJEÇAR GREK STELIOS THEODOROU AKUZOHET PËR 148 KRIME SEKSUALE (94 PËRDHUNIME DHE 54 SULME SEKSUALE).

Z. Stelios (Stan) Theodoros

Brizbën (Brisbane), Australi | Një mjek emigrant në Brizbën (Brisbane) të Australisë akuzohet për dhjetëra krime seksuale kundër grave, në një nga rastet më serioze që ka shqetësuar autoritetet e Kuinsllendit (Queensland) vitet e fundit.

Z. Stelios (Stan) Theodoros, me moshë 74 vjeç, u akuzua për gjithsej 148 akuza, nga të cilat 94 lidhen me përdhunim dhe 54 me sulm seksual, pas një hetimi nga Policia e Kuinsllendit si pjesë e Operacionit “Xray Cariyna”, i cili filloi në gusht 2025, siç raportohet nga faqja e internetit e entit mediatik “Le Figaro”.

Sipas entit mediatik “ABC News”, mjeku dyshohet se abuzoi seksualisht me 15 gra të moshës nga fundi i adoleshencës deri në rreth 40 vjeç, midis fillimit të viteve 2000 dhe 2015, në një qendër mjekësore në zonën Tarragindi, një periferi të Brizbënit (Brisbane).

Autoritetet pretendojnë se ai kreu analiza mjekësore, të tilla si Pap testi, ekzaminime të gjirit dhe ekzaminime të legenit, pa nevojë mjekësore ose justifikim të mjaftueshëm klinik.

Rasti filloi të hetohej pas ankesave nga disa gra që kontaktuan policinë, duke çuar në një hetim të gjerë nga Njësia e Hetimeve Penale të Upper Mount Gravatt.

Ai punoi në Qendrën Mjekësore Wellers Hill deri në daljen në pension në vitin 2021, ndërsa në vitin 2025 ai u shkarkua edhe nga pozicioni i drejtorit të kompanisë.

Ai pritet të paraqitet në gjykatë në Brizbën (Brisbane) më 23 qershor.

Policia njoftoi se hetimi është duke vazhduar dhe u bëri thirrje kujtdo që ka informacione relevante të kontaktojë autoritetet drejtpërdrejt ose në mënyrë anonime përmes shërbimit “Crime Stoppers”.

Një nga gratë që e kishte denoncuar mjekun i tha entit mediatik “ABC” se ndjekja penale ishte një zhvillim i shumëpritur dhe një lehtësim i madh.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit