AMBASADORI I SHBA-SË NË MEKSISKË: DJALI I ÇAPOS E SOLLI DËRR NË THES NË AMERIKË SHEFIN E KARTELIT SINALOA EL MAJO (MAYO) ZAMBADA.

Meksiko, Shtetet e Bashkuara të Meksikës | Shefi i kartelit Sinaloa, El Majo (Mayo) Zambada u largua në Shtetet e Bashkuara kundër vullnetit të tij, ndërsa z. Zhoakuin (Joaquín) Guzmán López, djali i shefit tjetër të kartelit i njohur si “Shkurtabiqi” (El Chapo), u dorëzua.

Ishte një operacion karteli. Zbulimi, 15 ditë pas arrestimit të dy kriminelëve, erdhi nga ambasadori i Shteteve të Bashkuara në Meksikë Ken Salazar, i cili në një konferencë për shtyp mohoi ndërhyrjen e drejtpërdrejtë të vendit të tij në arrestime.

“Nuk ishte një avion amerikan, nuk ishte një pilot amerikan, nuk ishin agjentët tanë apo personeli ynë në Meksikë”, tha ai.

Sipas ambasadorit Salazar, djali i Çapos (Chapo) vendosi të dorëzohej, duke marrë me vete El Majon (Mayo), pa e ditur se çfarë do të ndodhte.

Fluturimi u nis nga Sinaloa dhe më pas u ul në Shën Terezë (Santa Teresa), Meksikua e Re (New Mexico), në Shtetet e Bashkuara.

“Ne vetë u habitëm dhe njoftuam menjëherë kolegët tanë në qeverinë meksikane”, tha ai.

Disa orë më parë, presidenti Andrés Manuel López Obrador kishte akuzuar Uashingtonin për mungesë bashkëpunimi.

https://shorthand.com/the-craft/best-paywall-providers/index.html

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit