26 PROKURORË TË RINJ U BETUAN NË KËSHILLIN E LARTË TË PROKURORISË.

Tiranë, Shqipëri | Këshilli i Lartë i Prokurorisë zhvilloi sot ceremoninë e betimit për 26 prokurorët e rinj që do të bëhen pjesë e sistemit të Drejtësisë Penale.

Kryeprokurori Olsian Çela u kërkon përkushtim dhe entuziazëm jo vetëm për të kryer procedurat sipas ligjit, por edhe për t'i shërbyer qytetarëve.

Në ceremoni morën pjesë anëtart e KLP-së, përfaqësues nga Ministria e Drejtësisë, Prokurorisë dhe organizmave të tjerë.

Të 26 prokurorët e rinj firmosën betimin në ceremoni dhe iu dorëzua certifikata nga përfaqësues të institucionit.

I pranishëm në ceremoni ishte edhe Kryeprokurori Olsian Çela.

“Të bësh prokurorin, s’është thjeshtë vetëm që të zbatosh kodin procedurial, por të jeni si pjesë e një familje të madhe dhe të punoni për qytetarët dhe publikun.

Të jeni pjesë e një familjeje të madhe. Prokuroria po kalon moment të vështirë, ka mbingarkesë dhe do e ndjeni në shpatullat tuaja dhe do përballeni me vështirësi.

Por besoj se me entuziazmin që keni dhe mbështetjen e kolegëve, Prokurorisë dhe KLP-së, do kryeni me sukses dhe profesionalizëm detyrën tuaj.

Ndaj duke mos u zgjatur më dua t’ju uroj suksese në punën dhe detyrën tuaj profesionale”, tha Kryeprokurori Çela.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit