ZYRA E KOMISIONERIT TË LARTË TË KOMBEVE TË BASHKUARA PËR REFUGJATËT (UNHCR): LUFTA KA ZHVENDOSUR 3.2 MILIONË NJERËZ NË IRAN; SHIFRA DO TË VAZHDOJË TË RRITET.

Gjenevë, Konfederata e Zvicrës | “Deri në 3.2 milionë njerëz janë zhvendosur në Iran që kur shpërtheu lufta gati dy javë më parë”.

Kështu njoftoi Zyra e Komisionerit të Lartë të Kombeve të Bashkuara për Refugjatët (UNHCR).

“Sipas vlerësimeve paraprake, midis 600 mijë dhe një milion familje iraniane janë zhvendosur përkohësisht brenda Iranit për shkak të konfliktit të vazhdueshëm, duke përfaqësuar deri në 3.2 milion njerëz”, tha z. Aiaki (Ayaki) Ito, kreu i ekipit të mbështetjes emergjente të UNHCR-së dhe koordinator i reagimit ndaj refugjatëve për emergjencën në Lindjen e Mesme.

“Kjo shifër ka të ngjarë të vazhdojë të rritet ndërsa armiqësitë vazhdojnë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit