VENEZUELË | OBSERVATORI VENEZUELIAN I BURGJEVE NGRITI ALARMIN PËR TË BURGOSURIT POLITIKË NË BURGUN E TRENTINIT KU RAPORTOHEN KËRCËNIME ME VDEKJE DHE ZHDUKJE TË MUNDSHME.

Karakas, Venezuelë | “Kërcënime me vdekje, trajtim mizor dhe rreziku i zhdukjes me forcë”.

Këto janë ankesat e bëra nga familjet e të burgosurve politikë që mbahen në burgun El Rodeo I, të diktatorit çavisto-komunist Nikolas Maduro.

Familjet kanë paraqitur ankesa në disa organizata ndërkombëtare për shkak të ashpërsisë së shkeljeve të raportuara.

Sipas Observatorit Venezuelian të Burgjeve (OVP), të burgosurit i nënshtrohen praktikave çnjerëzore dhe degraduese që synojnë thyerjen e rezistencës së tyre psikologjike përmes kërcënimit sistematik dhe izolimit të zgjatur.

Dëshmitë e mbledhura nga organizata flasin për kërcënime të drejtpërdrejta nga zyrtarët e burgut, të cilët, dyshohet se i paralajmëruan të burgosurit se ata do të ishin të parët që do të vdisnin në rast të një operacioni hipotetik ushtarak të huaj, duke i referuar ata si mburoja njerëzore të mundshme.

Organizata gjithashtu raporton kufizime arbitrare në vizitat familjare, kujdesin mjekësor, kontaktin me avokatët mbrojtës dhe dorëzimin e pakove.

Veçanërisht alarmante, thekson Observatori, është mohimi zyrtar i kujdestarisë; pavarësisht se dinë që familjet e tyre po mbahen në El Rodeo I, autoritetet mohojnë zyrtarisht praninë e tyre, duke krijuar një pezullim ligjor që mund të përbëjë zhdukje me forcë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit