KOLUMBIA DEKLAROI SE ËSHTË E GATSHME T’I OFROJË AZIL POLITIK DIKTATORIT ÇAVISTO-KOMUNIST NIKOLAS (NICOLÁS) MADURO NË RAST TË NJË TRANZICIONI TË NEGOCIUAR PUSHTETI.

Bogotë, Kolumbi | “Kolumbia, e udhëhequr nga Presidenti Gustavo Petro, thotë se është gati të shqyrtojë një kërkesë për azil politik nga udhëheqësi venezuelian Nikolas (Nicolás) Maduro, si pjesë e një largimi të mundshëm të negociuar nga pushteti”.

Ministrja e Jashtme Rosa Vilavisensio (Villavicencio) e bëri këtë deklaratë.

Ajo i tha stacionit radiofonik kolumbian “Caracol” se nuk ka asnjë pengesë politike apo ligjore për pranimin e tij të mundshëm, nëse tranzicioni në Venezuelë e bën të nevojshëm.

Diplomatja theksoi se Bogotaja do të vepronte në përputhje me angazhimet e saj ndërkombëtare, duke përmendur precedentin e azilit të dhënë ish-Presidentit të Panamasë Rikardo Martineli (Ricardo Martinelli) në vitin 2025.

Ndërsa ia hapi derën, Ministrja Vilavisensio (Villavicencio) tha megjithatë se nuk kishte gjasa që udhëheqësi venezuelian të zgjidhte Kolumbinë, duke besuar se një vend i largët dhe paqësor ishte më i mundshëm.

Këto deklarata riafirmojnë rolin e Bogotës në krizën rajonale, ndërsa Presidenti Petro sot kritikoi vendimin e fundit të Karakasit për të penguar Kardinalin Baltazar Porras të largohej nga Venezuela për në Kolumbi, duke bërë thirrje për t'i dhënë fund represionit politik që pasoi zgjedhjet e vitit të kaluar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit