VENEZUELË | 51 VDEKJE NËPËR BURGJE QË NGA MUAJI PRILL.

Karakas, Venezuelë | Observatori i Burgjeve Venezueliane raportoi vdekjen e dy të burgosurve të tjerë, duke e çuar numrin total të të burgosurve që vdiqën për shkak të mungesës së kujdesit mjekësor në qendrat e vuajtjes së dënimit në 51 midis muajit prill dhe korrik të vitit 2026.

Dy vdekjet e fundit, ndodhën në burgun El Marite në shtetin e Zulias, një strukturë që u mbyll zyrtarisht në vitin 2013 pas ankesave për mbipopullim dhe dhunë, por që, siç denoncoi OJQ-ja, vazhdon të përdoret si qendër paraburgimi.

Bazuar në dëshmitë e familjeve dhe gjetjet mjekësore, OVP deklaroi se të dyja vdekjet ndodhën korrikun e kaluar dhe u shkaktuan nga ndërlikime shëndetësore dhe mungesë kujdesi mjekësor.

“Kriza humanitare në burgje po i dënon të burgosurit me vdekje. Në 15 vitet që nga krijimi i Ministrisë së Shërbimeve Penitenciare, të drejtat e të burgosurve janë shkelur sistematikisht”, - tha organizata në një deklaratë, duke i kërkuar zyrës së prokurorit dhe zyrës së Avokatit të Popullit të hetojnë menaxhimin e Ministrisë së Shërbimeve Penitenciare, i cili nuk arrin të garantojë aksesin në kujdes shëndetësor për personat e privuar nga liria e tyre.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit