VENEZUELË | MINISTRI I JASHTËM I FELIKS PLASENSIA (FÉLIX PLASENCIA) GONZALEZ: DENONCOJMË STATUTIN E ROMËS; TËRHIQEMI NGA GJYKATA NDËRKOMBËTARE PENALE.

Karakas, Venezuelë | “Venezuela ka konfirmuar vendimin e saj të pakthyeshëm për të denoncuar Statutin e Romës dhe për të filluar tërheqjen e saj përfundimtare nga Gjykata Ndërkombëtare Penale”.

Kështu tha ministri i Jashtëm i Feliks Plasensia (Félix Plasencia) Gonzalez, në një deklaratë, duke shtuar se iniciativa u mor nën drejtimin e presidentes së përkohshme Delsi (Delcy) Rodriguez.

“Venezuela beson se veprimet e Gjykatës pasqyrojnë paragjykime të provuara gjeografike, duke e përqendruar në mënyrë disproporcionale punën e saj në vendet afrikane dhe të Amerikës Latine, në dëm të Jugut Global.

Ky model zbulon një sistem drejtësie ndërkombëtare që, larg nga zbatimi i drejtë, është shfrytëzuar për të përkeqësuar pabarazitë midis popujve dhe për të injoruar të drejtën e tyre për vetëvendosje dhe sovranitet”, thuhet në deklaratë.

“Ky paragjykim nuk është thjesht një rastësi procedurale, por më tepër pasqyrim i një institucioni që i ka vënë mekanizmat e tij në shërbim të interesave të palidhura me drejtësinë dhe popujt që pretendon se mbron.

Prandaj, ne e hedhim poshtë këtë dimension të luftës ligjore, e cila përjetëson persekutimin e popullit venezuelian dhe përkeqëson pabarazitë që drejtësia ndërkombëtare duhet të korrigjojë.

Ne riafirmojmë angazhimin tonë për një sistem drejtësie vërtet të drejtë që respekton sovranitetin dhe vetëvendosjen e popujve”, u tha në deklaratë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit