VENEZUELA RIHAPI MISIONET E SAJ DIPLOMATIKE NË SHTETET E BASHKUARA TË AMERIKËS PËR TË PROMOVUAR MARRËDHËNIE TË BAZUARA NË RESPEKT DHE BASHKËPUNIM.

Karakas, Venezuelë | “Qeveria e Venezuelës ka njoftuar rihapjen e misioneve të saj diplomatike në Shtetet e Bashkuara të Amerikës si pjesë e rifillimit të marrëdhënieve me Uashingtonin të iniciuara nga Presidentja e përkohshme Delsi (Delcy) Rodríguez pas kapjes së Nikolas (Nicolás) Maduros nga forcat amerikane më 3 janar”.

Kështu njoftoi Zv/Ministri i Jashtëm për Evropën dhe Amerikën e Veriut, Olivier Blanko (Blanco), në rrjetin social virtual Iks (X) - duke specifikuar se Venezuela është e përkushtuar për të promovuar marrëdhënie të bazuara në respekt dhe bashkëpunim për prosperitetin e vendeve tona.

Uashingtoni kishte marrë kontrollin e përkohshëm të ambasadës dhe ndërtesave konsullore të Venezuelës në vitin 2023, pas shpërbërjes së qeverisë së përkohshme të vetëshpallur të udhëhequr nga udhëheqësi i opozitës Juan Guaido, të cilin, Shtetet e Bashkuara e njohën si presidentin legjitim të Venezuelës.

Rihapja e ambasadës dhe zyrave konsullore do të lehtësonte procedurat për gati një milion migrantë venezuelas që banojnë në Shtetet e Bashkuara të Amerikës, duke u lejuar atyre, ndër të tjera, të marrin ose rinovojnë pasaportat e tyre.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit