VENEZUELË | TË AFËRMIT E TË BURGOSURVE POLITIKË I DREJTUAN LETËR TË HAPUR PAPA LEO XIV-të QË TË NDËRMJETËSOJË PËR LIRIMIN E TË BURGOSURVE POLITIKË.

Karaks, Venezuelë | Familjet e të burgosurve politikë në Venezuelë i kanë dërguar një letër publike Papa Leo XIV-të, duke kërkuar ndërmjetësimin e tij për të siguruar lirimin e menjëhershëm dhe pa kushte të të burgosurve.

Gazeta venezueliane “El Nacional” raportoi lajmin në faqen e saj të internetit, duke vënë në dukje se, sipas OJQ-së Foro Penal, aktualisht ka 823 të burgosur politikë në vendin e Amerikës së Jugut.

Dokumenti, i lexuar gjatë një demonstrate para Ambasadës Italiane në Karakas, thekson se ndalimet arbitrare nuk kanë më të bëjnë vetëm me udhëheqësit politikë, por me qytetarët nga të gjitha sferat e jetës.

Kërkesa i referohet kanonizimit të dy shenjtorëve të parë venezuelianë, José Gregorio Hernández-it dhe Karmen (Carmen) Rendiles-it, më 19 tetor.

“Festimi i Jubileut të Shpresës pa të burgosur politikë do të ishte një gjest historik drejt paqes”, thuhet në letër, e cila, nxjerr në pah krizën dramatike të të drejtave të njeriut në Venezuelë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit