UKRAINË | RUSIA NDËRMORI SULME TË PANDËRPRERA ME DRONË KUNDËR KIEVIT; E TRETA NATË RADHAZI.

Kiev Ukrainë | “Rusia vazhdoi sulmet e saj pothuajse të pandërprera me dronë kundër Kievit natën e 29-30 gushtit, për natën e tretë radhazi”.

Kështu raportoi enti mediatik vendor “Kyiv Independent”.

Autoritetet në kryeqytet lëshuan paralajmërime të përsëritura për sulme ajrore, ndërsa u raportuan zjarre në disa pjesë të qytetit.

Kryebashkiaku Vitali Kliçko (Klitschko) njoftoi se sulmi shkaktoi zjarr midis katit të dytë dhe të pestë të një ndërtese 12-katëshe.

“Që nga ora 6 e mëngjesit, ekipet e shpëtimit ende po luftonin zjarret në kryeqytet, ndërsa të gjitha zjarret e shkaktuara nga sulmet e ditës së mëparshme ishin shuar”, njoftoi Shërbimi Shtetëror i Emergjencave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit