UKRAINË | PRESIDENTI VOLODIMIR ZELENSKI: JAM GATI TË TAKOHEM ME PRESIDENTIN VLADIMIR PUTIN NË TURQI.

Kiev, Ukrainë | “Presidenti Volodimir Zelenski tha se ishte gati të takohej me presidentin rus Vladimir Putin në Turqi me shpresën se presidenti turk Rexhep Taip Erdogan do të lehtësonte negociatat”.

Kështu raportoi enti mediatik vendor “Rbc-ukrainë”, duke cituar entin mediatik turk “Cnn Turkey”.

Presidenti Zelenski beson se dialogu në nivelet më të larta është i domosdoshëm, pasi kontaktet e mëparshme midis palëve deri më tani nuk kanë arritur t'i japin fund luftës.

Sipas presidentit Zelenski, negociatat e drejtpërdrejta midis presidentëve mund të ndihmojnë në gjetjen e zgjidhjeve për çështjet që mbeten të pazgjidhura në nivelin e delegacioneve dhe grupeve teknike.

“Kjo është arsyeja pse dua të takohem me të si vendimmarrës”, - tha presidenti Zelenski.

Ndër çështjet kryesore të një takimi të mundshëm me carin, udhëheqësi ukrainas përmendi armëpushimin përgjatë vijës së frontit dhe futjen e një mekanizmi për të monitoruar pajtueshmërinë me marrëveshjet.

Ai gjithashtu besonte se duhet të ngrihen çështje që lidhen me garancitë e sigurisë dhe rindërtimin e Ukrainës dhe territoreve.

Në të njëjtën kohë, presidenti Zelenski përsëriti se nuk do t'i pranonte kërkesat e presidentit Putin për të lëshuar Donbasin dhe për të njohur Krimenë si territor rus, duke shpjeguar se lëshime të tilla do të binin ndesh me Kushtetutën e Ukrainës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit