TIRANË | AVOKATI PLARENT NDERCA: MINISTRI I DREJTËSISË TONI GOGU TAKOI FSHEHURAZI KRYETARIN E ARRESTUAR TË BASHKISË SË TIRANËS ERION VELIAJ NË BURGUN E FIERIT.

Tiranë, Shqipëri | Avokati i kryetarit të arrestuar të Bashkisë së Tiranës Erion Veliaj, z. Plarent Ndreca, denoncoi gjatë një komunikimi mediatik se mbrëmjen e së premtes, 30.102026, ministri i drejtësisë i Republikës së Shqipërisë, Toni Gogu, ka kryer një vizitë urgjente në IEVP Fier, e cila nuk është e regjistruar formalisht.

Kumtohet se ministri Gogu ishte veshur sportiv dhe mbante kapele; ai i ka përcjellë kryetarit të arrestuar Veliaj porositë dhe kërcënimet e kryeministrit Edi Rama.

“Jam me porosi të kryeministrit këtu.

Dua të të përcjellë tekstualisht atë që kryeministri më ka porositur:

1- Është hera e fundit që po të drejtohem si babai yt politik, nga sot e tutje do të drejtohem vetëm si kryeministër.

2- Dorëzo mandatin urgjentisht.

3- Delego pushtetin te emrat që do të them unë.

4- Hiq dorë nga avokati Plarent Ndreca; në të kundërt, do të transferoj te burgu 302 dhe do orientoj SPAK-un të nisë hetime për minim të rendit kushtetues dhe do të të kalb në burg”.

Kryetari i arrestuar Veliaj është përgjigjur menjëherë me shprehjen: “Edhe sikur 100 vite burg të bëj, nuk ia marr fytyrën fëmijëve të mi”.

Kështu u kumtua nga një mori entesh mediatike shqiptare.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit