SHQIPËRI: AEROPLANË TË NATO-s NË BAZËN E ISH-KOHËS STALINISTE NË KUÇOVË | NJË QYTET QË DIKUR MBANTE EMRIN E STALINIT.

Kuçovë, Shqipëri | Në Kuçovë, në Shqipërinë qendrore, u përurua sot një bazë ajrore e NATO-s, në vendin e një baze ushtarake të ish-kohës sovjetike.

Aleanca Atlantike ka investuar rreth 55 milionë dollarë në rindërtimin e bazës, e cila, do të përdoret për furnizimin e avionëve ushtarakë të gjeneratës së fundit dhe për ruajtjen e municioneve.

Kuçova nuk e ka pasur gjithmonë këtë emër. Në kohën e regjimit komunist, në fakt ajo u quajt Qyteti Stalin (qyteti i Stalinit).

Emrin e saj origjinal e përfitoi pas përfundimit të regjimit.

“Baza sot është transformuar dhe është gati si një bazë taktike e NATO-s, me një rëndësi që shkon përtej kufijve të Shqipërisë”, tha kryeministri shqiptar Edi Rama, i pranishëm në përurim.

“Është një element sigurie për rajonin tonë të Ballkanit Perëndimor, një rajon i kërcënuar nga Rusia. Riaktivizimi i këtij aeroporti ushtarak është pjesë e rritjes së mëtejshme të flotës sonë ajrore”, shtoi ai.

Me të njëjtën rëndësi ishin edhe fjalët e ministrit shqiptar të Mbrojtjes, Niko Peleshi, për të cilin, baza do të jetë një vend strategjik për Aleancën, dhe për rajonin e Ballkanit Perëndimor: “Jo më shumë se dy vjet më parë nuk mund të mendonim se Evropa do të ishte përballur me një agresion si ai që po ndodh në Ukrainë. Duhet të jemi të përgatitur. Inaugurimi i sotëm shënon një zhvillim të rëndësishëm, që jo vetëm që ngre profilin tonë në skenën ndërkombëtare, por, gjithashtu forcon angazhimin tonë, për paqen dhe sigurinë në rajon”, shpjegoi ministri Peleshi.

Në ceremoninë e sotme mori pjesë edhe ministri italian i Mbrojtjes, Guido Korseto (Crosetto).

“Sot festojmë një moment të rëndësishëm në bashkëpunimin mes Italisë dhe Shqipërisë, dhe një pikë kthese për rajonin e Ballkanit Perëndimor. Hapja e bazës së NATO-s në Kuçovë është rezultat i një rruge gjithsesi të lehtë, e cila, kulmon në një moment ndryshimesh të shpejta dhe të thella në kontekstin ndërkombëtar”, nënvizoi ministri italian i Mbrojtjes, për të cilin, bashkëpunimi mes Italisë dhe Shqipërisë në fushën e mbrojtjes, është një shtyllë themelore në marrëdhëniet dypalëshe.

Nuk është rastësi që avionët e parë ushtarakë që u ulën në pistën e bazës së Kuçovës, mëngjesin e sotëm, ishin dy avionë luftarakë italianë, që u ngritën nga baza e Aviano-s.

“Përurimi i bazës ajrore të Kuçovës dëshmon se Aleanca jonë, me një përqasje 360 gradë, është fuqishëm e përkushtuar ndaj këtij rajoni, dhe si koalicion ne marrim parasysh angazhimet e Shqipërisë për sigurinë e NATO-s në tërësi”, shpjegoi gjenerali Pablo Sanchez de Lara, komandant i Qendrës së Operacioneve të Kombinuara Ajrore të NATO-s në bazën ajrore spanjolle të Torrejón.

“Nëse shikojmë përreth, nëse shikojmë këtë bazë të re, është e qartë se Shqipëria është më shumë se kurrë e gatshme të marrë përsipër përgjegjësi më të mëdha për të mbrojtur sigurinë dhe paqen”, tha gjenerali, duke shtuar se baza do të jetë në përputhje me standardet e NATO-s, dhe do të përmirësojë ndërveprimin, qëndrueshmërinë, dhe bashkëpunimin brenda aleancës.

Në ceremoninë e inaugurimit morën pjesë edhe përfaqësues të institucioneve shqiptare dhe të ambasadës amerikane në Tiranë, si dhe ministri turk i Mbrojtjes, Yasan Guler.

Vetëm sot kompania turke Bayraktar njoftoi se dronët Bayraktar TB2 kanë hyrë zyrtarisht në flotën ajrore të Forcave të Armatosura shqiptare.

“Hapja e bazës së Kuçovës shënon fillimin e një epoke të re për sigurinë e Ballkanit dhe Evropës,” tha CEO i kompanisë, Haluk Bayraktar.

“Bayraktar TB2 realizuan sot me sukses fluturimet e para në qiejt e Shqipërisë. Vendosja e tyre në këtë pikë strategjike është një tregues i rëndësishëm i kontributit tonë për sigurinë e Shqipërisë dhe gjeografisë simotër të Ballkanit”, shtoi ai.

https://impressexaltsculptor.com/xwr71bic?key=5bef601c2af9f91065c072edad23fc2c

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit