SHESHI LUBJANKA; MOSKË | SHPËRTHIM NË NJË DYQAN PËR FËMIJË PRANË ISH-NDËRTESËS SË KGB-së (TANI VENNDODHJA E FSB-së); 1 I VDEKUR + 3 TË PLAGOSUR.

Moskë, Federata Ruse | Momente frike në Moskë kur një shpërthim shkatërroi ambientet e një dyqani historik lodrash në sheshin Lubjanka (Lubyanka), në zemër të kryeqytetit, shumë pranë asaj që dikur ishte selia e KGB-së; tani strehon FSB-në, Shërbimin e Sigurisë së Brendshme të Rusisë.

Vetëm pas hetimeve fillestare u bë e qartë se shpërthimi, i cili, vrau një person dhe plagosi tre të tjerë, ishte shkaktuar nga një bombol e llojit që përdoret për të fryrë tullumbace.

Pra, asnjë terrorizëm apo sabotim, siç u besua fillimisht.

Dyqani Qendror i Fëmijëve në Lubjanka - i njohur si Detsky Mirm, u hap në vitin 1957 dhe për dekada dyqani më i madh i fëmijëve në Bashkimin Sovjetik - ishte po aq i mbushur me njerëz sa gjithmonë një mëngjes të dielën, kur papritmas një zhurmë e fortë tronditi ndërtesën dhe ato pranë në sheshin qendror, duke shkaktuar panik midis klientëve dhe kalimtarëve.

Pati momente tensioni, ndërsa agjencitë ruse të lajmeve, të ndjekura nga mediat ndërkombëtare, raportuan një shpërthim të fuqishëm që kishte shkaktuar disa viktima.

Më pas, kryetari i bashkisë së Moskës, Sergej Sobjanin (Sergey Sobyanin), e siguroi publikun duke thënë se:

1- “Shpërthimi ishte një aksident i shkaktuar nga një mosfunksionim i pajisjeve teknike”.

Pra, nuk u raportuan sulme në kryeqytetin rus, ku vitet e fundit nuk ka pasur mungesë sulmesh terroriste të llojeve të ndryshme, që kanë rezultuar në vdekje dhe lëndime.

Ndër më brutalët ishte sulmi i vitit të kaluar në Sallën e Qytetit Krokus (Crocus), kur gjatë një shfaqjeje nga grupi muzikor Piknik, katër persona të armatosur fillimisht hapën zjarr mbi turmën dhe më pas i vunë flakën ndërtesës, duke vrarë 149 persona dhe duke plagosur afërsisht 600 të tjerë.

Sulmi u mor përsipër nga Khorasan Vilayat, dega e ISIS-it në Azinë Qendrore.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit