SALVADORI DHE PARAGUAI NËNSHKRUAN MARRËVESHJE BASHKËPUNIMI KUNDËR KRIMIT TË ORGANIZUAR TRANSNACIONAL.

Asuncion, Paraguai | Prokurori i Përgjithshëm i Paraguajit Emiliano Rolon dhe homologu i tij salvadoran Rodolfo Delgado nënshkruan marrëveshje për të luftuar krimin e organizuar transnacional.

Akti u nënshkrua në Ministrinë Publike në Asuncion.

Marrëveshja synon të luftojë krime të tilla si trafikimi i drogës dhe pastrimi i parave përmes shkëmbimit të informacionit.

Zyra e prokurorit të Paraguait njoftoi angazhimin e saj të përbashkët për të forcuar luftën kundër krimit të organizuar kompleks dhe transnacional dhe për të siguruar bashkëpunimin më të gjerë në procedurat penale.

Institucionet do të ndajnë njohuritë e tyre me qëllim kuptimin e evolucionit të fenomeneve të ndryshme kriminale dhe planifikimin e strategjive të ndjekjes penale.

“Kombet do të bashkëpunojnë për të ndjekur penalisht çdo manifestim të korrupsionit, për të hetuar krimet ekonomike dhe për të sekuestruar pasuri të paligjshme.

Ato gjithashtu do të shkëmbejnë të dhëna mbi rrugët dhe statistikat e trafikut të drogës për të identifikuar zinxhirin e përgjegjësisë brenda organizatave kriminale”, u tha në deklaratën e palëve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit