REVISTA “TIME” PËRFSHIU PRESIDENTEN E SHTETEVE TË BASHKUARA TË MEKSIKËS KLAUDIA (CLAUDIA) SHEINBAUM NË LISTËN E 100 PERSONAVE MË ME NDIKIM NË BOTË PËR VITIN 2026.

Qyteti i Meksikos, Shtetet e Bashkuara të Meksikës | Presidentja Klaudia (Claudia) Sheinbaum është përfshirë nga revista “Time” në listën e 100 personave më me ndikim të vitit 2026.

E vetmja kryetare shteti latino-amerikane e pranishme, ajo renditet në kategorinë e udhëheqësve përkrah figurave të tilla si Papa Leo XIV-të dhe Presidentit Danlld Tramp (Donald Trump).

Revista thekson kompleksitetin e vitit të saj të parë, i cili filloi nën presion nga të gjitha palët për shkak të tarifave dhe kërcënimeve ushtarake të ShBA-ës.

Megjithatë, analiza thekson se si përgjigjja e Presidentes Sheinbaum ishte një masterklas në diplomaci, e aftë për të synuar ashpër kartelet, për të çmontuar laboratorët dhe për të arrestuar udhëheqësit kriminalë, për të penguar ndërhyrjen e armatosur të huaj.

Gjatë konferencës për shtyp në mëngjes, presidentja komentoi mbi çmimin duke riafirmuar angazhimin e saj qytetar.

“Ne qeverisim për të qenë gjithmonë pranë popullit”, tha ajo.

Më pas ajo theksoi se forca e saj vjen vetëm nga qytetarët.

“Bizneset nuk na e japin, revista Time nuk na e jep, asnjë qeveri e huaj nuk na e jep, askush tjetër nuk na e jep përveç popullit”, tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit