REPUBLIKA FEDERATIVE E BRAZILIT | U MIRATUA NJË LIGJ QË LEJON VARRIMIN E QENVE DHE TË MACEVE NË VARREZAT FAMILJARE; LIGJI NJEH LIDHJEN EMOCIONALE ME KAFSHËT SHTËPIAKE.

Brasilia, Republika Federative e Brazilit | Shteti brazilian i Shën Plait (São Paulo) ka miratuar një ligj që autorizon varrimin e qenve dhe maceve në varret familjare; duke njohur zyrtarisht lidhjen emocionale midis njerëzve dhe kafshëve shtëpiake pas vdekjes.

Teksti përcakton që varrimet duhet të jenë në përputhje me rregulloret shëndetësore dhe mjedisore në fuqi në secilën komunë, ndërsa procedurat operative do të përcaktohen nga shërbimet vendore të varrimit.

Varrezat private do të jenë gjithashtu në gjendje të miratojnë rregulloret e tyre, në përputhje me legjislacionin.

Shpenzimet e varrimit do të mbulohen tërësisht nga pronari i varrit.

Projekti u prezantua nga kongresmeni Eduardo Nobrega, i cili, argumentoi se iniciativa i përgjigjet vështirësive ekonomike me të cilat përballen shumë familje për shkak të kostove shpesh të larta të kremimit të kafshëve shtëpiake, duke e bërë shërbimin të paarritshëm për një pjesë të popullsisë.

Në këto raste, shpjegoi ai, pikëllimi për humbjen mund të çojë në varrime të parregullta, duke paraqitur rreziqe mjedisore, shëndetësore dhe ligjore.

“Me ligjin e ri, pronarët do të jenë në gjendje të zgjedhin të varrosin kafshët e tyre shtëpiake në varrin familjar, duke siguruar një zgjidhje të konsideruar më dinjitoze, të sigurt dhe në përputhje me rregulloret.

Ligji nuk fut detyrime, por ofron një alternativë ligjore dhe të rregulluar ndaj kremimit të kafshëve shtëpiake”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit