REPUBLIKA FEDERALE E GJERMANSISË | MINISTRI I JASHTËM JOHANN VADEFUL (WADEPHUL) KRITIKOI HOMOLOGUN TURK PËR DEKLARATAT MBI IZRAELIN.

Berlin, Republika Federale e Gjermansisë | “Deklaratat e fundit të Ministrit të Jashtëm turk në lidhje me Izraelin janë krejtësisht të papërshtatshme”.

Kështu tha ministri i Jashtëm Johann Vadeful (Wadephul), duke shtuar se Izraeli përballet me një kërcënim të vazhdueshëm nga rajoni dhe ka si të drejtën ashtu edhe detyrën për të mbrojtur popullsinë e vet.

Në një intervistë me entin mediatik “Cnn” ministri i Jashtëm turk Hakan Fidan e quajti Izraelin, ndër të tjera, një problem për botën.

Ministri i Jashtëm Vadeful (Wadephul) njoftoi qëllimin e tij për të udhëtuar në Izrael për t'u takuar me homologun e tij izraelit, Gideon Sa'ar, para samitit të NATO-s.

“Do të udhëtoj në Izrael para samitit për të diskutuar çështjet aktuale që kanë të bëjnë me Lindjen e Mesme me kolegun tim Sa'ar”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit