REAGON KROACIA | KËRKON QË SULMUESIT ME ARMË TË POLICISË SË KOSOVËS TË DALIN PËRPARA DREJTËSISË.

Zagrb, Kroaci | Ministria e Jashtme e Kroacisë, e ka dënuar ashpër sulmin ndaj Policisë së Kosovës, ku mbeti i vrarë polici Afrim Bunjaku, dhe u plagos polici Alban Rashiti. “Dënojmë fuqishëm sulmin e dhunshëm ndaj policisë së Kosovës herët në mëngjes. Ngushëllimet tona të përzemërta familjes së policit të vrarë gjatë kryerjes së detyrës, dhe shërim të shpejtë për zyrtarin e plagosur. Autorët duhet të sillen urgjentisht para drejtësisë”, shkroi ministria e Jashtme e Kroacisë, në rrjetin shoqëror virtual Iks (X), ish-Twitter. Nga z. Erton Duka.

© Copyright | Agjencia Telegrafike Vox