RAPORTUESJA E POSAÇME E OKB-së SHPREHU SHQETËSIM PËR ZBATIMIN E NGADALTË TË MBROJTJEVE TË BAZUARA NË SEKS NË MBRETËRINË E BASHKUAR.

Qyteti i Jorkut të Ri, Amerikë | Një eksperte e OKB-së shprehu shqetësim për atë që ajo e quajti dështim të qeverisë së Mbretërisë së Bashkuar për të zbatuar një vendim kritik mbi mbrojtjet e bazuara në seks.

Raportuesja e Posaçme (Speciale) për dhunën ndaj grave dhe vajzave, Rim (Reem) Alsalem, komentoi mbi vonesën e miratimit nga qeveria të vendimit të Gjykatës Supreme në çështjen “For Women Ltd kundër Ministrave Skocezë”.

Vendimi synonte të zgjidhte çështjet që rrjedhin nga konfuzioni ligjor në lidhje me të drejtat e grave për shërbime, objekte, shoqata dhe sporte për të njëjtin seks.

Ajo argumentoi se këto të drejta janë thelbësore për mbrojtjen e sigurisë, privatësisë dhe dinjitetit të grave, si dhe për luftimin e dhunës mashkullore kundër grave dhe vajzave.

Vendimi i prillit 2025 analizoi interpretimin statutor të termit seks në Aktin e Barazisë të vitit 2010.

Vendimi arriti në përfundimin se termi, për qëllimet e Aktit, është sinonim i seksit biologjik.

Ajo e mirëpriti vendimin në raportin e saj pas vizitës së saj në Mbretërinë e Bashkuar në vitin 2024.

Në komentet e saj, ajo i bëri thirrje qeverisë të ofrojë udhëzime të qarta dhe masa zbatuese që do të zbatohen në të gjithë vendin, veçanërisht brenda organeve qeveritare dhe sektorit publik.

“Pa zbatim, një vendim gjykate ofron pak mbrojtje në praktikë”, tha ajo.

“Gratë dhe vajzat mbeten të ekspozuara ndaj shkeljeve të vazhdueshme të të drejtave”, shtoi ajo më tej.

Pavarësisht mbështetjes së raportueses speciale, vendimi i Gjykatës së Lartë ka marrë reagime të ashpra nga juristët.

Disa pretendojnë se vendimi rrezikon të vërë në dyshim të drejtat e grave transgjinore dhe grave cisgjinore duke i ndarë grupet në mbrojtjen e tyre kundër diskriminimit.

Përveç kësaj, ekspertët kanë vënë në dukje tensionin legjislativ të krijuar nga vendimi, i cili, mund të jetë në kundërshtim me interpretimet e të drejtave të gjinisë transgjinore nga Akti paraprakisht ekzistues i Njohjes së Gjinisë i vitit 2004.

Raportuesja e Posaçme Alsalem e njohu Mbretërinë e Bashkuar si një udhëheqëse botërore në mbrojtjen e të drejtave të grave dhe vajzave, ndërsa ekspertë të tjerë kanë theksuar shkeljen e mëparshme të Konventës Evropiane të të Drejtave të Njeriut nga vendi për mungesën e njohjes ligjore për individët transgjinorë.

Pavarësisht zbatimit të ngadaltë, qeveria e ka pranuar zyrtarisht vendimin si ligj.

Organet publike presin veprimet e qeverisë për të miratuar një Kod të Praktikës së përditësuar mbi Shërbimet, Funksionet Publike dhe Shoqatat, i cili, do të pasqyrojë vendimin e gjykatës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit