PËRFAQËSUESJA E LARTË E BASHKIMIT EVROPIAN PËR PUNËT E JASHTME KAJA KALLAS: KONVENTA PËR REFUGJATËT KA SHPËTUAR JETË; MBËSHTETJE PËR UNHCR-në.

Bruksel, Mbretëria e Belgjikës | “Konventa vazhdon të ofrojë kuadrin ligjor thelbësor për mbrojtjen e refugjatëve, duke përcaktuar të drejtat e atyre që detyrohen të largohen dhe detyrimet e shteteve për t'i mbrojtur ata.

Ka pasur një ndikim të thellë global, duke mbrojtur miliona jetë, duke udhëhequr veprimet ndërkombëtare dhe duke mbështetur parimin themelor se njerëzit që ikin nga persekutimi duhet të trajtohen me dinjitet dhe të mbrohen në përputhje me të drejtën ndërkombëtare”.

Kështu tha Komisioni Evropian dhe Përfaqësuesja e Lartë për Punët e Jashtme Kaja Kallas me rastin e 75-vjetorit të Konventës Lidhur me Statusin e Refugjatëve.

“Respektimi i së drejtës ndërkombëtare humanitare është thelbësor për të parandaluar dhe zvogëluar zhvendosjen e detyruar të shkaktuar nga konflikti i armatosur, si dhe për të siguruar mbrojtjen e civilëve.

BE-ja gjithashtu rithekson mbështetjen e saj për Komisionerin e Lartë të Kombeve të Bashkuara për Refugjatët (UNHCR), mandati i të cilit mbetet thelbësor për adresimin e sfidave globale të zhvendosjes së popullsisë”, - tha Përfaqësuesja e Lartë Kallas.

“Me strategjinë e parë evropiane për menaxhimin e azilit dhe migracionit, Bashkimi Evropian riafirmoi angazhimin e saj për krijimin e një hapësire që mbron njerëzit që ikin nga lufta dhe persekutimi.

Pakti për Migracionin dhe Azilin, i cili hyri në fuqi në qershor të këtij viti, pasqyron dhe zbaton një qasje gjithëpërfshirëse, që përfshin të gjithë rrugën, për menaxhimin e flukseve të migracionit.

Sipas Paktit, BE-ja ka një kornizë për pranimin vullnetar humanitar dhe zhvendosjen në Bashkim.

Shtetet Anëtare të BE-së kanë marrë një përgjegjësi të rëndësishme në mirëpritjen e refugjatëve dhe personave të zhvendosur, duke përfshirë edhe dhënien e mbrojtjes së përkohshme për mbi 4.4 milionë njerëz që ikin nga lufta e agresionit të Rusisë kundër Ukrainës”, - tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit