PËRFAQËSUESJA E LARTË E BASHKIMIT EVROPIAN KAJA KALLAS DO TË UDHËTOJË NESËR PËR NË PAKISTAN.

Bruksel, Mbretëria e Belgjikës | Nesër, më 1 qershor, Përfaqësuesja e Lartë e Bashkimit Evropian, Kaja Kallas, do të udhëtojë për në Pakistan, për një vizitë dypalëshe dhe për Dialogun e tetë Strategjik BE-Pakistan.

Përfaqësuesja e Lartë Kallas do të takohet me Presidentin Asif Ali Zardari, Kryeministrin Mian Muhammad Shehbaz Sharif dhe Shefin e Forcave të Armatosura, Marshallin Asim Munir.

Dialogu i tetë Strategjik BE-Pakistan do të bashkëkryesohet nga Përfaqësuesja e Lartë Kallas dhe Zv/Kryeministri dhe Ministri i Jashtëm i Pakistanit, Mohammad Ishak (Ishaq) Dar.

Takimi zhvillohet në mes të negociatave të vazhdueshme midis ShBA-ës dhe Iranit, të ndërmjetësuara nga Pakistani.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit