QIPRO | PËRFAQËSUESJA E LARTË E BASHKIMIT EVROPIAN KAJA KALLAS: RUSIA NA KA NGRITUR KURTH.

Limasol, Qipro | “Mendoj se është një kurth që Rusia dëshiron të na e ngrejë, që ne po debatojmë se kush duhet të flasë me ta, dhe ata tashmë po zgjedhin se kush është i përshtatshëm dhe kush jo.

Le të mos biem në këtë kurth.

Negociatat janë gjithmonë një përpjekje ekipore. Ka pozitive dhe negative, ka një strategji, mënyra se si ulesh në tryezë.

Kjo është arsyeja pse substanca është shumë më e rëndësishme sesa kush”.

Kështu tha Përfaqësuesja e Lartë e Bashkimit Evropian, Kaja Kallas, me të mbërritur në takimin informal të Ministrave të Jashtëm të BE-së.

“Edhe ky është një kurth në të cilin nuk duhet të biem. Unë jam Përfaqësuesja e Lartë e Bashkimit Evropian dhe mund ta lexoni përshkrimin tim të rolit në traktate”, tha ajo kur u pyet për rolin e saj të mundshëm ndërmjetësues.

“Sigurisht, kjo do të thotë edhe përfaqësimin e Evropës. Por për ta bërë këtë, duhet të jemi të bashkuar.

Ky, besoj, është një mesazh shumë i rëndësishëm; duhet të punojmë së bashku si Evropë, jo si anëtarë individualë të veçantë, sepse individualisht jemi të gjithë shumë, shumë më të dobët sesa jemi së bashku”, shtoi ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit