PËRFAQËSUESJA E LARTË E BASHKIMIT EVROPIAN KAJA KALLAS: 20 MILIONË € DO TË SHKOJNË PËR SHOQËRINË CIVILE NË IZRAEL DHE PALESTINË.

Bruksel, Mbretëria e Belgjikës | “Vitin e kaluar ne ndamë mbi 18 milionë € për të mbështetur organizatat e shoqërisë civile.

Kam kënaqësinë të konfirmoj sot se kemi mobilizuar mbi 20 milionë € fonde shtesë për nismat vendore të ndërtimit të paqes”.

Kështu tha përfaqësuesja e lartë e Bashkimit Evropian, Kaja Kallas, në Forumin e Parisit mbi Zgjidhjen me Dy Shtete.

“Bashkimi Evropian tani punon me 88 organizata të shoqërisë civile izraelite dhe palestineze, të cilat po punojnë në vijën e parë të ndërtimit të paqes, duke promovuar dialogun, duke forcuar lidershipin e grave dhe duke mbështetur median e pavarur”, tha përfaqësuesja e lartë Kallas, duke theksuar se shoqëria civile nuk është një element dytësor në diplomaci, por është e domosdoshme për ndërtimin e paqes.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit