PRESIDENTJA E KOMISIONIT EVROPIAN URSULA VON DER LEIEN (LEYEN): KËRCËNIMET NDAJ DEMOKRACIVE JO VETËM NGA JASHTË POR EDHE NGA FORCAT ANTIDEMOKRATIKE PO RRITEN.

Bruksel, Mbretëria e Belgjikës | “Nuk duhet të kemi iluzione.

Kërcënimet ndaj demokracive tona nuk vijnë vetëm nga jashtë.

Ne shohim rritjen e forcave antidemokratike dhe antievropiane”.

Kështu tha presidentja e Komisionit Evropian Ursula von der Leien (Leyen) në Fjalimin për Gjendjen e Bashkimit (Unionit).

“Herë pas here, kemi parë dezinformimin dhe ndërhyrjet e huaja të përpiqen të na ndajnë, të gërryejnë besimin në strukturën tonë demokratike dhe median e lirë.

Fushatat zgjedhore të helmuara nga propaganda e huaj.

Teoritë e konspiracionit të ndërtuara mbi video virale të rreme. Kjo është luftë njohëse.

Ne kemi nevojë për një kapacitet kolektiv për të parashikuar, zbuluar dhe reaguar”, - tha më tej presidentja e Komisionit Evropian Ursula von der Leien (Leyen).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit