PRESIDENTI TURK U TAKUA ME KANCELARIN GJERMAN NË BERLIN.

Berlin, Gjermani | Presidenti turk Rexhep Tajip Erdogan vizitoi Gjermaninë, ku u takua me kancelarin gjerman Olaf Sholc (Scholz).

Gjatë konferencës së përbashkët për shtyp, në Berlin, kancelari Sholc (Scholz) deklaroi se Izraeli ka të drejtën - sipas ligjit ndërkombëtar - që të mbrohet, dhe se e drejta e Izraelit për të ekzistuar është e pakundërshtueshme për ne.

Një qëndrim ndryshe nga ai i presidentit turk Erdogan, i cili, ka kritikuar vazhdimisht veprimet e qeverisë izraelite.

Në fakt, në një konferencë për shtyp, presidenti turk deklaroi se Izraeli ka vrarë 13 mijë njerëz në Rripin e Gazës, duke përfshirë fëmijë.

“Bombardimi i spitaleve apo vrasja e fëmijëve nuk është në Torah”, deklaroi presidenti Erdogan.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit