PRESIDENTI TRAMP (TRUMP) DUHET TA NDIHMOJË IZRAELIN TË PËRFUNDOJË PUNËN PËR TË ÇMONTUAR REGJIMIN E AJATOLLAH KHAMENEIT.

Editorial nga enti mediatik “The Jerusalem Post”.

Jeruzaelm, Izrael | Z. President, kjo teokraci ekstreme duhet të bjerë. Bëjeni shkatërrimin e saj një politikë po aq të qartë sa disfata e Gjermanisë naziste ose Irakut të Sadam Huseinit.

Të premten në agim, avionët izraelitë F-35 u ngritën me zhurmë nga Nevatimi, duke hapur rrugën mbi hapësirën ajrore armiqësore drejt qendrave bërthamore të Iranit.

Në lindjen e diellit, sallat e pasurimit bërthamor të Natanzit ishin shndërruar në rrënoja dhe bunkerët e raketave të Gardës Revolucionare Islamike rreth Kermanshah dhe Bid Kaneh digjeshin.

Megjithatë, brenda shenjtërores së brendshme të Teheranit, Ajatollah Ali Khamenei rrinte i palëkundur, me vendosmërinë e tij aq të ftohtë sa nata e shkretëtirës.

Edhe pse avionët luftarakë të Izraelit u kthyen në shtëpi, udhëheqësi i tij suprem e dyfishoi zotimin e tij për të zhdukur si Izraelin ashtu edhe mbështetësin e tij kryesor, Shtetet e Bashkuara.

“Izraeli është një tumor malinj, kanceroz në rajon që duhet të pritet dhe të zhduket”.

“Sionistët… sillen si qentë roje të arrogancës globale. Natyra e tyre është të lehin dhe të kafshojnë”.

“Tumori kancerogjen i quajtur Izrael duhet të çrrënjoset nga rajoni”.

“Është misioni i Republikës Islamike ta fshijë Izraelin nga harta”.

“Nëse bëjnë edhe gabimin më të vogël, (ne) do ta shkatërrojmë Tel Avivin dhe Haifën”.

“Me ndihmën e Allahut, brenda 25 vjetësh, asgjë nuk do të mbetet nga regjimi sionist në rajonin tonë”.

“Virusi sionist që ka qëndruar për vite me radhë do të eliminohet së shpejti”.

“Vdekje Izraelit”.

Ajatollah Khamenei e urren edhe ShBA-ës, ndoshta edhe më shumë se Izraelin: “Vdekja për Amerikën… është si të thuash: Unë kërkoj strehim te Zoti nga Satani i mallkuar, … kështu që besimtari nuk harron kurrë se Satani është gjithmonë gati të sulmojë dhe shkatërrojë mburojën e tij shpirtërore”.

“Vdekje Amerikës do të thotë vdekje politikave amerikane dhe vdekje arrogancës”.

“Vdekja Amerikës nuk është thjesht një slogan - është një politikë”.

“Amerika është Satani i madh. Ky përshkrim është vërtet i shkëlqyer”.

“Armiqësia nga ShBA-ës dhe Izraeli ka qenë gjithmonë aty... nëse ata kryejnë ndonjë të keqe, me siguri do të marrin një goditje të fortë reciproke”.

Këto nuk janë sharje të pahijshme, por kërcënime strategjike, të kalibruara për të mbledhur mbështetësit e linjës së ashpër në vend dhe për të frikësuar kundërshtarët jashtë vendit.

Në botëkuptimin e Ajatollah Khameneit, Izraeli dhe Amerika janë mishërime binjake të arrogancës globale dhe agresionit sionist - kancere, qen, viruse dhe armiq satanikë që duhen zhdukur.

Presidenti Tramp (Trump) duhet të ndërmarrë veprime vendimtare kundër Iranit | Z. President i ShBA-ës, Danlld Tramp (Donald Trump): Është koha që fjalët të shoqërohen me veprime vendimtare.

Përqafojeni ndryshimin e regjimit si politikë. Udhëheqja e Iranit ka treguar vazhdimisht se ideologjia e saj është e paprekshme nga frenimi; sulmet ushtarake vetëm sa ushqejnë propagandën e saj.

Ju duhet të deklaroni publikisht se Republika Islamike nën Ajatollah Khamenein është një regjim i jashtëligjshëm dhe se rrëzimi i saj është një objektiv strategjik i ShBA-ës.

Mprehja e luftës ekonomike në një nivel preciz. Sanksionet ekzistuese duhet të intensifikohen për të synuar çdo burim të ardhurash që mbështet regjimin.

Ngrirja e të gjitha aseteve të lidhura me IRGC-në dhe Forcën e saj Kuds; sanksionimi i Bankës Qendrore të Republikës Islamike të Iranit dhe vendosja e sanksioneve dytësore ndaj bankave dhe firmave të huaja që kryejnë transaksione me Teheranin.

Rritni operacionet e fshehta brenda Iranit. Nëse Teherani mirëpret dhunën, le ta gjejë luftën në vend.

Zgjeroni ofensivat kibernetike për të çaktivizuar rrjetet e komandës dhe kontrollit të IRGC-së, për të prishur sistemet e udhëzimit të raketave dhe për të ndërhyrë në softuerin e kontrollit bërthamor.

Ta quajmë IRGC-në një organizatë të huaj terroriste dhe të ndjekim pa pushim rrjetet e saj globale.

Të detyrojmë bankat në mbarë botën të zgjedhin midis përpunimit të transaksioneve në dollarë dhe lehtësimit të pastrimit të parave nga IRGC-ja.

Projektoni gatishmëri të jashtëzakonshme ushtarake. Shtoni grupe sulmuese të transportuesve amerikanë në Gjirin Persik, vendosni paraprakisht shkatërruesit Aegis në Detin Arabik dhe vendosni bombardues me rreze të gjatë veprimi për të penguar çdo hakmarrje iraniane.

Krijoni një koalicion në Lindjen e Mesme për ndarjen e Iranit. Inkurajoni plane afatgjata për një Iran të federalizuar ose të ndarë, duke pranuar se regjimi teokratik i Ajatollah Khameneit nuk mund të reformohet.

Ofroni garanci sigurie për rajonet e pakicave sunite, kurde dhe baluçiane që janë të gatshme të shkëputen.

Retorika gjenocidale e Ajatollah Khameneit kërkon një përgjigje radikale.

Një masë gjysmë sanksionesh dhe sulme ajrore të herëpashershme vetëm sa do t’i inkurajojnë mbështetësit e linjës së ashpër të Teheranit dhe do ta zgjasin jetëgjatësinë e regjimit.

Z. President, kjo teokraci ekstreme duhet të bjerë. Bëjeni shkatërrimin e saj një politikë po aq të qartë sa disfata e Gjermanisë naziste ose Irakut të Sadam Huseinit.

Shfrytëzoni çdo mjet të fuqisë amerikane, qoftë diplomatik, ekonomik, të fshehtë apo të militarizuar, për të çmontuar regjimin e Ajatollah Khameneit përpara se ai të mund të realizojë zotimin e tij për të fshirë Izraelin dhe Amerikën nga harta.

Vetëm atëherë rajoni mund të marrë frymë lirisht nga tirania dhe terrori, dhe kanceri i teokracisë radikale të hiqet njëherë e përgjithmonë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit