PRESIDENTI I REPUBLIKËS SË TURQISË REXHEP TAIP (RECEP TAYYIP) ERDOGAN THA SE DO TË KËRKOJË MBËSHTETJEN E VENDEVE TË GJIRIT + SHBA-ës + EVROPËS PËR RINDËRTIMIN E GAZËS.

Presidenti i Republikës së Turqisë, Rexhep Taip (Recep Tayyip) Erdogan, mban një dokument të nënshkruar gjatë një samiti për të mbështetur përfundimin e luftës më shumë se dyvjeçare Izrael-Hamas në Gaza pas një marrëveshjeje të jashtëzakonshme armëpushimi, më 13 tetor 2025, në Sharm El Sheikh, Egjipt.

Ankara, Turqi | Presidenti Rexhep Taip Erdogan, tha se do të kërkojë mbështetjen e Gjirit, ShBA-ës dhe Evropës për rindërtimin e Gazës sipas marrëveshjes së re të armëpushimit dhe se besonte se financimi i projektit do të sigurohet shpejt.

Duke folur me gazetarët në një fluturim kthimi nga Sharm el-Sheikh-u, ku ai dhe udhëheqës të tjerë nënshkruan marrëveshjen të hënën, Presidenti Erdogan tha se historia e dobët e Izraelit në respektimin e armëpushimeve do të thotë që ShBA-ës dhe të tjerët duhet ta zbatojnë atë me vigjilencë.

Me nxitjen e ShBA-ës, Ankaraja është shfaqur si një lojtar kyç në marrëveshjen në të cilën Hamasi liroi pengjet e fundit izraelite të gjallë dhe Izraeli dërgoi në shtëpi të burgosurit palestinezë, me Presidentin e ShBA-ës Danlld Tramp (Donald Trump) që shpalli fundin e luftës dyvjeçare në Gazë.

“Unë besoj se mbështetja e konsiderueshme financiare do të ofrohet shpejt për projektet e rindërtimit të zhvilluara nga Organizata e Bashkëpunimit Islamik dhe Lidhja Arabe”, tha Presidenti Erdogan, sipas një transkripti të ndarë nga zyra e tij të martën.

“Ne po kërkojmë mbështetje nga vendet e Gjirit, SHBA-të dhe vendet evropiane”, shtoi ai.

Turqia ka qenë një nga kritikët më të ashpër të sulmit të Izraelit në Gaza, duke e quajtur atë një gjenocid, një akuzë që Izraeli e hedh poshtë. Deri në javët e fundit, Ankaraja ishte përfshirë vetëm në mënyrë indirekte në përpjekjet për paqe.

Ankaraja ka lidhje të ngushta me Hamasin, duke e konsideruar atë një grup rezistence; Presidenti Erdogan tha se përpara kishte një proces sfidues.

“Izraeli ka një rekord të dobët kur bëhet fjalë për shkeljen e armëpushimeve. Kjo na detyron të jemi më të kujdesshëm dhe të përpiktë”, tha ai.

“Turqia, ShBA-ës dhe vendet e tjera janë të vendosura ta ruajnë këtë armëpushim. Nëse shndërrohet përsëri në gjenocid, Izraeli e di se pasojat do të jenë të rënda”, tha ai.

“Vendimet e vendeve perëndimore për të njohur shtetin palestinez duhet të shihen si gurë themeli për një zgjidhje me dy shtete”, shtoi ai.

Udhëheqësi turk propozoi gjithashtu dërgimin e shtëpive kontejnerë në Gazë për të ndihmuar me strehimin në Rripin e shkatërruar, veçanërisht gjatë dimrit të ardhshëm.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit