PRESIDENTI BRAZILIAN LUIZ INÁCIO LULA DA SILVA: TEKNOLOGJIA E MADHE DUHET TË RESPEKTOJË LIGJET TONA OSE TË LARGOHET NGA BRAZILI; NE NUK DO TË PRANOJMË IMPONIME.

Brasilia, Brazil | Presidenti brazilian Luiz Inácio Lula da Silva i është rikthyer temës së rregullimit të platformave dixhitale.

Në një intervistë njëorëshe me agjencinë kanadeze të lajmeve Rojtërs (Reuters), e cila, u raportua nga mediat kryesore braziliane, Presidenti Lula denoncoi ekzistencën e presionit të jashtëm, duke denoncuar se ka nga ata që përpiqen t’i imponojnë Brazilit idenë se ne nuk mund t’i rregullojmë kompanitë e mëdha të teknologjisë dhe nuk lejojnë që kompanitë amerikane të rregullohen.

“Nëse nuk doni rregullimin brazilian të Big Tech, largohuni nga Brazili, tha ai.

“Nuk ka mekanizëm tjetër”, tha Presidenti Lula dy herë, duke theksuar se ligjet e vendit të Amerikës së Jugut zbatohen edhe për kompanitë e huaja, ashtu si në Shtetet e Bashkuara, një kompani braziliane kërkohet të ndjekë legjislacionin amerikan dhe në Francë, ligjin francez.

Prit një minutë - shtoi Lula, duke iu referuar qartë Presidentit të ShBA-ës Danlld Tramp (Donald Trump).

Ky vend sovran ka një Kushtetutë dhe legjislacion, dhe është detyra jonë të rregullojmë atë që duam të rregullojmë bazuar në interesat dhe kulturën e popullit brazilian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit