PREJ 6 DITËSH MALI I THATË NË ZONËN E PUSTECIT NDODHET NËN PUSHTETIN E FLAKËVE | 200 HEKTARË TË DJEGUR.

Pustec, Shqipëri | Prej 6 ditësh Mali i Thatë në Pustec ndodhet nën pushtetin e flakëve.

Raportohet se mëngjesin e sotëm intensiteti i flakëve ka rënë ndërsa pas pak orësh, do të shihet më qartë nëse do ketë agravim të situatës apo jo (nga era) e nëse po do ketë ndërhyrje nga ajri.

Zjarri është në një territor të thyer dhe në një distancë të largët nga zonat e banuara duke mos i rrezikuar ato.

Në terren ditën e sotme kanë zbritur rreth 70 forca, te shërbimit të MZSH-ve, të Forcave të Armatosura te Repartit Ushtarak Drenovë (Korçë), atyre të Agjencisë Rajonale të Zonave të Mbrojtura, shërbimit pyjor, etj.

E gjithë sfida është që të mos preket bimësia e lartë, forcat po bëjnë të pamundurën për të izoluar flakët dhe ngushtuar perimetrin.

Sipërfaqja e djegur deri tani me përafërsi është 200 hektarë, pjesa më e madhe me kullota dhe një pjesë e vogël e sipërfaqes është prekur kurora e gjelbër.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit