POLONI | KREU I SHËRBIMIT TË INTELIGJENCËS SË JASHTME KOLONELI PAVEU SHOTA (PAWEL SZOTA): RUSIA PO KALON VIJAT E KUQE NË KRAHUN LINDOR TË NATO-s.

Varshavë, Poloni | “Ne i shohim ngjarjet në Ukrainë dhe se lufta nuk po shkon mirë për Rusinë për momentin.

Ky është një shkak për shqetësim se Moska mund ta përshkallëzojë më tej situatën”.

Kështu tha kreu i shërbimit të inteligjencës së jashtme polake, koloneli Paveu Shota (Pawel Szota), për entin mediatik “Rzeczpospolita”.

Sipas vlerësimit të tij, një sulm i kufizuar ndaj shteteve baltike mund të duket si shfaqja e burrave të vegjël të gjelbër.

Ky term u përdor për të përshkruar ushtarët rusë pa stema dalluese që morën kontrollin e gadishullit ukrainas të Krimesë në vitin 2014.

“Rusia po kalon sistematikisht vijat e kuqe për të testuar reagimin e NATO-s. Kostoja e provokimeve të tilla është e ulët, por reagimi i aleancës është kryesisht politik, gjë që nxit përshkallëzim të mëtejshëm”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit