PAS VRASJES SË EKSPONENTIT TË AGJENTURËS GREKE TË KRIMIT ORDINER JORGOS MOSKHURIS (ΓΙΏΡΓΟΣ ΜΟΣΧΟΎΡΗΣ) BESOHET SE QËNDRON MAFIA RUSE QË STREHOET NË DUBAI; SI BURIM KONFLIKTI KONTRABANDA E CIGAREVE.

Athinë, Greqi | Hetimet penale paraprake tani janë përqendruar në analizimin e kontakteve ndërkombëtare të z. Jorgos Moskhuris (Γιώργοσ Μοσχούρησ), me theks në Dubai dhe në ishullin e Mikonosit (Mykonos).

Autoritetet greke po hetojnë kontaktet që kishte në Dubai, pasi aty thuhet se në atë kohë ndodheshin anëtarë të fuqishëm të mafies ruse, të cilët, me gjasë drejtonin lëvizjet e bashkatdhetarëve të tyre në Greqi.

Afërsia e udhëtimit me vrasjen e viktimës nuk konsiderohet rastësi, pasi ai ishte kthyer nga Emiratet e Bashkuara Arabe vetëm 3 ditë më parë.

Përkundrazi, në mikroskopin e autoriteteve ka hyrë pyetja nëse ekzekutimi ishte i organizuar apo të paktën i miratuar prej tyre.

Vlen të theksohet se emri i tij ishte përfshirë edhe në aktivitete në ishullin e Mikonosit (Mykonos).

Madje ka një çështje gjyqësore që thotë se biznesmenët grekë në ishull i ishin drejtuar për të ndërmjetësuar që të eliminoheshin rivalët e tyre profesionistë.

Kronika e ekzekutimit mafioz: Ishte pasdite e së enjtes, 24 prill 2025, kur z. Jorgos Moskhuris (Γιώργοσ Μοσχούρησ) mbeti i vdekur nga zjarri i një arme automatike kallashnikov jashtë një qendre private diagnostike në Chalandri.

Autorët të veshur me të zeza e pritën dhe e sulmuan në sy të kalimtarëve. Gjetjet fillestare tregojnë një ekzekutim të stilit profesional, me gjasë me një kontratë vdekjeje me kosto të lartë.

Kush ishte z. Jorgos Moskhuris (Γιώργοσ Μοσχούρησ)?: Ai nuk ishte një figurë e rastësishme në skenën e jetës së natës.

Ai ishte përfshirë në raste të kontrabandës së karburanteve, grupeve mbrojtëse dhe zhvatjes.

Në vitin 2020, ai ishte viktimë e një atentati në Vula, ndërsa emri i tij ishte shpesh në listat e Policisë greke.

Informacionet bëjnë me dije se së fundmi ai kishte filluar të distancohej nga veprimtaria aktive kriminale. Në fakt, kur doli nga burgu, ai u tha miqve të tij se do të linte aktivitetet e paligjshme dhe do të merrej me parukeri duke pretenduar se ishte biznesmen.

Ai ishte aktiv në pikat e karburantit, por muajt e fundit kërkonte një pjesë nga pjese e cigareve kontrabandë dhe kjo kërkesë duket se i ka kushtuar jetën.

Vlerësohet se ai është një tjetër viktimë e mafies rusishtfolëse. Ekzekutimet e Zambunit (Zambounis) dhe Rumpetit (Roumpetis) i kishin paraprirë kësaj. Të gjithë donin të përfitonin nga cigaret përveç pikave të karburantit.

Megjithatë, ky nuk është një ekzekutim që fsheh një dallim personal. Dorasit nuk e njihnin viktimën, por kishin marrë urdhër të qartë për ta vrarë dhe ishin paguar shumë mirë për të arritur qëllimin e tyre.

Autoritetet policore besojnë se vrasja e tij mund të jetë fillimi i një spastrimi të ri të përgjakshëm në skenën e jetës së natës, me lidhje ndërkombëtare.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit